web counter
LEXO PA REKLAMA!

SHKARKO APP

App Store
Google Play

E fundit!

x

DENONCIMI/ Skandal në Spitalin e Traumës, sallat e operacionit në rikonstruksion, mungon zgjidhja alternative

25 Janar 2026, 15:07, Denoncim CNA

DENONCIMI/ Skandal në Spitalin e Traumës, sallat e operacionit në

Një situatë skandaloze dhe alarmante po ndodh në Spitalin e Traumës. Rikonstruksioni i sallave të operacionit ka krijuar një ngërç dhe një shqetësim serioz për pacientët nga njëra anë dhe për stafin mjekësor nga ana tjetër.


Ky shqetësim ka mbërritur pranë redaksisë së CNA ku thuhet se punimet e nisura për rikonstruksionin e sallave të operacionit po kryhen pa një plan zbatimi që garanton më tej vijimin e shërbimit kirurgjikal.


Sipas denoncimit shumë pacientë me nevoja urgjente kirurgjikale e marrin shërbimin në kushte shumë të papërshtashme, ndërkohë që stafi mjekësor është i detyruar të marrë vendime të vështira për të prioritizuar rastet më kritike.


Një rast urgjent, i një djali të plagosur, është trajtuar pak kohë më parë në Spitalin e Traumës dhe me kushtet aktuale trajtimi i urgjencave bëhet edhe më i vështirë.


Çdo vonesë në ndërhyrjet kirurgjikale mund të sjellë komplikime serioze dhe rrezik për jetën, ndërkohë që nuk ka një informacion se kur do të jenë gati sallat e operacionit.


Sipas denoncimit kjo situatë tregon mungesë planifikimi dhe menaxhimi efektiv nga institucionet përgjegjëse, duke rrezikuar jo vetëm shëndetin e pacientëve, por edhe kredibilitetin e sistemit shëndetësor publik.


Çdo projekt i planifikuar duhet të shoqërohet me një zgjidhje si në rastin në fjalë kjo për të siguruar dhe garantuar shërbimin ndaj pacientëve.


Kjo është një situatë shqetësuese dhe tregon paaftësinë për të menaxhuar burimet dhe për të koordinuar projektet pa ndikuar te pacientët.


Referuar këtij denoncimi, në këtë rast nevojiten masa të menjëhershme për të siguruar sallat alternative të operacionit, që shëndeti i pacientëve të mos vihet në rrezik për shkak të paaftësisë dhe keqmenaxhimit./ CNA





Lajmet e fundit nga