web counter
LEXO PA REKLAMA!

SHKARKO APP

App Store
Google Play

E fundit!

x

Mjerë spitalet tona!

3 Shkurt 2026, 13:41, Denoncim CNA

Mjerë spitalet tona!

CNA ka kryer vëzhgim në urgjencën e QSUT-së, ku ajo që është konstatuar është një injorancë që në pamje të parë, një injorancë që vjen nga vetë qytetarët, një injorancë që vjen nga sjellja e tyre.

Ne i kemi treguar me pamje, kemi dokumentuar këto sjellje, ku hidhen plehrat kudo. Ambientet brenda dhe përreth janë ndotur jo nga doktorët, as infermierët apo sanitaret, por nga qytetarët që hedhin plehra në ambientet e QSUT-së.

Në korridore qëndrojnë me dhjetëra njerëz, që pinë duhan, me një sjellje rrugaçërore, të turpshme, e pa limit. Kjo nuk ndodh në asnjë vend të Europës dhe për këtë nuk na e kanë fajin as doktorët, as infermierët dhe as sanitaret, as administrata.

Mjerë spitalet tona, jo për pacientët që kanë, as për punën heroike të mjekëve, por për familjarët e tyre që shkojnë të shikojnë një të sëmurë dhe nga ana tjetër shkaktojnë ndotjen, për ata që kanë një sjellje rrugaçërore, bëjnë zhurmë, bërtasin, pinë duhan në korridore, a thua se janë në një han.

Kjo është sjellja që bëjnë njerëzit që shkojnë në urgjencën e QSUT-së.

Mjerë spitalet tona!

Ndoshta është momenti që të shikohet qasja e vetë institucioneve, e vetë administratës, ndaj mënyrës si duhet të veprohet me lejet e hyrjeve brenda spitalit, por përveç kësaj ku mund t'u jepet përgjegjësi koordinatorëve, infermierëve etj., të cilët nuk mund të bëjnë xhandarin. Për këta individë duhen institucione.

Ku është ISHP? A është institucioni përgjegjës që ndjek hap pas hapi në lokale njerëzit që pinë duhan, duke thënë se duhet të ndalohet duhani?

Tani e kanë ndaluar duhanin në lokale dhe kanë filluar duhanin nëpër spitale.

Pse nuk shkon ISHP të vendosë gjoba, edhe ndaj qytetarëve, ndoshta edhe ndaj stafit mjekësor? Ku është kontrolli?

Kur njerëzit nuk dinë të sillen ka ligje dhe rregulla që ruajnë shëndetësinë, sigurinë dhe standardin në spitalet tona.

Atëherë kush janë përgjegjësit?

Nuk mund të jenë spitalet “hane”, por duhet të jenë vende humane.

Kur nuk kemi kulturë, edukatë dhe nuk bëjmë një sjellje normale në spitale, imagjinoni se çfarë bëjmë në rrugë./ CNA

 





Lajmet e fundit nga