web counter
LEXO PA REKLAMA!

SHKARKO APP

App Store
Google Play

E fundit!

x

CNA e denoncoi/ Pastrohen ambientet e QSUT-së

2 Shkurt 2026, 16:51, Aktualitet CNA

Një fenomen shqetësues me të cilin përballesh sapo vendos këmbët në ambientet e Qendrës Spitalore Universitare Nënë Tereza është denoncuar prej disa ditësh nga CNA.

E treguar me foto dhe video ditë pas dite, CNA tregoi qartë sjelljen e papërgjegjshme të qytetarëve, të cilët janë kthyer në ndotësit më të mëdhenj të hapësirave publike në spital.

Në pamjet e publikuara shiheshin cigare që hidhen nga dritaret e spitalit, shishe plastike dhe plehra të shpërndara para urgjencës dhe përreth, ambiente të cilat duhet të jenë shembull pastërtie dhe sigurie.

Pas këtyre denoncimeve, ka pasur një ndërhyrje nga institucioni duke pastruar ambientin përreth, duke hequr bishtat e cigareve dhe mbeturinat e shpërndara në çdo cep.  

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

Por problemi kryesor nuk qëndron te pastrimi dhe heqja e mbeturinave nga sanitaret e spitalit. Çështja është që qytetarët mos ta kthejnë sërish ambientin në gjendjen e mëparshme, ku më shumë i ngjanin një “landfilli”.

Qytetarët duhet të ndërgjegjësohen gjithashtu se qëndrimi i tyre grupe-grupe në spital pranë pacientëve apo familjarëve të shtruar në spital, bëhet shkak për një vatër infeksioni.

Zhurma dhe rrëmuja e krijuar brenda spitalit, mund të rrezikojë shumë herë edhe jetën e pacientëve në gjendje të rëndë shëndetësore. Një tjetër fenomen shqetësues dhe skandaloz është pirja e duhanit në ambientet spitalore, përfshirë infermierët dhe mjekët.

Ndërsa në Shqipëri ka një ligj që i ndalon ata që pinë duhan në ambiente në lokale, edhe për këtë duhet të ketë një shtrëngim ligjor. /CNA





Lajmet e fundit nga