web counter
LEXO PA REKLAMA!

SHKARKO APP

App Store
Google Play

Komisioni "Xhafaj" kapet sërish duke shkelur ligjin

2 Shkurt 2026, 12:39, Aktualitet CNA

Komisioni "Xhafaj" kapet sërish duke shkelur ligjin

Komisioni "Xhafaj" ka shkelur sërish ligjin. Pas inspektimit në Gjykatën e Korçës, paligjshmëria dhe shkelja flagrante e këtij komisioni ka vijuar sot me një inspektim në GJKKO dhe SPAK.

CNA po sjell pamjet ku shihet se si komisioni “Xhafaj” ndodhet në GJKKO dhe SPAK-u për të kryer të ashtuquajturin "monitorim" për sigurinë në institucionet e drejtësisë, si një kërkesë e bërë nga KLGJ-ja pas ngjarjes tragjike të vrasjes së gjyqtarit Astrit Kalaja.

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)

Këto lëvizje po kryhen në shkelje me ligjin nga komisioni "Xhafaj". Gjykatat nuk janë institucione që monitorohen apo mbikëqyren nga Kuvendi. Nuk ekziston asnjë dispozitë ligjore që i njeh Parlamentit të drejtën për të inspektuar veprimtarinë e gjykatave.

Sistemi gjyqësor ka organet e veta kushtetuese të kontrollit dhe mbikëqyrjes, si Këshilli i Lartë Gjyqësor (KLGJ) dhe Inspektori i Lartë i Drejtësisë (ILD), të cilat janë të vetmet institucione të autorizuara për këtë qëllim.

Ashtu siç edhe e kemi përcaktuar më parë, edhe nëse pretendohet si një veprim "monitorues", për këtë çdo deputet apo komision është i detyruar të marrë miratim në Konferencën e Kryetarëve.

Një miratim i tillë nuk mund dhe nuk duhet të jepet, pasi gjykatat nuk përfshihen në listën e institucioneve që i nënshtrohen mbikëqyrjes parlamentare. Çdo vendim i kundërt do të ishte në kundërshtim të hapur me parimin e ndarjes së pushteteve.

Ky akt i kryer nga komisioni "Xhafaj" është një akt i paligjshëm dhe një skandal institucional që cenon pavarësinë e institucioneve të drejtësisë./CNA

 

 





Lajmet e fundit nga