web counter
LEXO PA REKLAMA!

SHKARKO APP

App Store
Google Play

E fundit!

x

"Filloi të kërkojë votën dhe jo të vërtetën"/ Lubonja flet për prishjen e marrëdhënies me Ramën

1 Shkurt 2026, 22:33, Aktualitet CNA

"Filloi të kërkojë votën dhe jo të

Analisti Fatos Lubonja ka folur mbrëmjen e sotme lidhur me marrëdhënien e tij me kryeministrin Edi Rama. Në një intervistë për Euronews Albania, Lubonja u shpreh se marrëdhënia e tyre ndryshoi pas futjes së Ramës në politikë.

Analisti tha se pas përfshirjes në politikë, Rama nisi të kërkojë votën dhe jo të vërtetën. Më tej shtoi se të kërkosh votën nënkupton shumë gjëra që sipas tij njerëzit e dinë.

“Tani, ajo që ndodhi pas ’97-s, që ta shpjegoj, gjithmonë interpretimi im është kjo: që është rëndom e ndodhur që pushteti të të tjetërsojë. E kanë pyetur Pjetro Nenin. I kam thënë këtë: Pjetro Nenin e kanë pyetur për faktin që ka qenë shumë mik me Musolinin përpara se Musolini ishte socialist, pastaj u bë fashist, ndërtoi lëvizjen e tij.

Dhe i thanë: “Çfarë ore, si ishte puna?”, sepse kishin qenë bashkë si Pjetro Neni, senator italian, për ata që s’e njohin, një figurë e njohur politike në Italinë e pas luftës.

Si ishte puna e Mussolinit që u kthye? Hë? Ai tha, ka një shprehje në italisht: 'aveva una grande voglia di comandare', domethënë kishte një dëshirë të madhe për të komanduar. Më konkretisht, pra, të gjitha ato vlera ideale apo, më thuaj si të duash, vizione që kishim… për një tjetër gjë, tjetër.

Për mua, të gjitha këto i tradhtoi si intelektual. Për ta thënë me dy fjalë, në atë kohë unë kam shkruar, kur u rrah Rama, një shkrim të gjatë te Koha Jonë të nesërmen. Midis tjerash kam cituar një intervistë që Rama do botonte dhe që s’e botoi dot, ku midis tjerash thoshte: “Intelektuali kërkon të vërtetën, ndërsa politikani kërkon votën.” Kjo e dallon.

E tani, kur u bë politikan, ky filloi të kërkojë votën dhe jo të vërtetën. Dhe të kërkosh votën do të thotë shumëçka, e kuptojnë njerëzit”, tha Lubonja. /CNA





Lajmet e fundit nga