web counter
LEXO PA REKLAMA!

SHKARKO APP

App Store
Google Play

E fundit!

x

Mori pjesë në protestën e Lapajt/ Justifikohet Xhaferri

31 Janar 2026, 20:15, Aktualitet CNA

Mori pjesë në protestën e Lapajt/ Justifikohet Xhaferri

Deputeti i Partisë Demokratike, Besart Xhaferri përmes një reagimi në rrjetet sociale, ka justifikuar pjesëmarrjen në protestën e Lëvizjes Shqipëria Bëhet, pasditen e sotme para Kryeministrisë.

Xhaferri shprehet se mori pjesë në protestë për të treguar se Partia Demokratike është e hapur për forcat e reja që kanë vendosur të mos i bëjnë opozitës opozitë, por t’i bëjnë opozitë qeverisë.

Krahas fotos nga protesta e Lapajt, deputeti bën thirrje për pjesëmarrje në protestën kombëtare të PD-së që do të mbahet më 10 shkurt.

Reagimi i plotë:

Do të jem në çdo protestë ku nuk i bëhet opozitë opozitës, por i bëhet opozitë Edvin Kullës dhe çetës së tij të hajdutëve dhe trafikantëve!

Sot, si deputet i Kuvendit të Shqipërisë, iu bashkova protestës së partisë “Shqipëria Bëhet”, për shkak se është një protestë që bëhet kundër njeriut që e ktheu Shqipërinë në një narkoshtet, ku vidhet vota, lulëzojnë kartelet e drogës dhe ku rinia ikën nga sytë këmbët për të mos u kthyer më kurrë.

Ashtu si aktivistë të kësaj force politike janë bërë pjesë e protestave tona, ashtu edhe unë sot zgjodha të jem në shesh për të treguar se Partia Demokratike është e hapur për forcat e reja që kanë vendosur të mos i bëjnë opozitës opozitë, por t’i bëjnë opozitë një regjimi që mbahet në këmbë nga kartelet e drogës, të cilat investojnë që në këtë vend të mos ndodhë rrotacioni.

Nuk e ka luksin opozita shqiptare të luftojë e përçarë përballë një regjimi, largimi i të cilit është emergjencë kombëtare.

Nga kjo protestë e sotme u bëj thirrje shqiptarëve që më 10 shkurt të dalin masivisht në protestën kombëtare, e cila do të shënojë fillimin e fundit të narkoregjimit! /CNA





Lajmet e fundit nga