web counter
LEXO PA REKLAMA!

SHKARKO APP

App Store
Google Play

“E keni shkulur me themel”/ Tregtarët në Vlorë i “zënë” rrugën Spiropalit

31 Janar 2026, 14:41, Aktualitet CNA

“E keni shkulur me themel”/ Tregtarët në Vlorë i

Sot për të pestën ditë radhazi tregtarët e Tregut të Madh të Vlorës u mblodhën për të protestuar kundër zhvendosjes së aktivitetit të tyre drejt Jalisë së Nartës.

Tregtarët sot zgjodhën një pikë strategjike për të protestuar, pikërisht përpara Teatrit “P. Marko” të Vlorës, ku u zhvillua një event ndërkombëtar, Forumi për Dialogun “Edhe disa hapa drejt BE-së”.

Teksa panë të kalonte ministrja e Jashtme Elisa Spiropali, tregtarët vendosën të ngrinin zërin për shqetësimin e tyre.

Spiropali është ndalur dhe ka dëgjuar kërkesat dhe ankesat e tyre duke u thënë se nuk është në dijeni për këtë problematikë dhe se do të flasë me kryetaren e bashkisë.

“Unë do flas tani me kryetaren e bashkisë dhe anëtarët e Këshillit Bashkiak. Edhe bashkia ka një plan të saj të zhvillimit”, është shprehur ndër të tjera Spiropali.  

Nga ana tjetër, një zonjë që po protestonte i është drejtuar Spiropalit:

“Jeni në dijeni që çke me të. T’ju vijë turp që vini në Vlorë se Vlorën e keni shkulur me themel. Ia keni hequr të gjitha Vlorës dhe t’iu vijë rëndë që vini në Vlorë”, ka deklaruar ajo./ CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga