web counter
LEXO PA REKLAMA!

SHKARKO APP

App Store
Google Play

E fundit!

x

Ambasada Gjermane: Ndihmë për 400 familje pas përmbytjeve në Shqipëri

30 Janar 2026, 15:25, Aktualitet CNA

Ambasada Gjermane: Ndihmë për 400 familje pas përmbytjeve në

Gjermania ka vënë në dispozicion ndihmë të shpejtë pas përmbytjeve të rënda të javëve të fundit në Shqipëri.

Siç bëhet me dije përmes një njoftimi nga Ambasada Gjermane, Fondi Start, i mbështetur nga Gjermania, ofron në mënyrë të menjëhershme 250.000 £ për OJQ-në World Vision UK.

Kjo shifër do të mbështesë afërsisht 400 familje (e përllogaritur për rreth 1,800 persona) në rajonet më të prekura të Shqipërisë, duke përfshirë Durrësin (Sukth, Katund i Ri, Kënetë, Rrashbull, Porto Romano si dhe Shkozetin, Nishtullën).

Masat përfshijnë ndihma sanitare dhe higjienike, strehimin emergjent dhe artikujt joushqimorë, masat mbrojtëse (duke përfshirë mbrojtjen nga dhuna gjinore), sigurinë ushqimore dhe nevojat jetike.

Gjithashtu, shteti gjerman ka ofruar ndihmë në zhvillimin e sistemeve të paralajmërimit të hershëm (përmes projektit ALBAdapt të GIZ), duke kontribuuar që ngjarjet ekstreme të motit të mund të parashikohen më mirë në të ardhmen, duke u mundësuar njerëzve të marrin masa parandaluese./CNA

 





Lajmet e fundit nga