web counter
LEXO PA REKLAMA!

SHKARKO APP

App Store
Google Play

E fundit!

x

Rruga e Shqipërisë drejt BE-së/ Delegacioni shqiptar takohet me Presidenten e sapozgjedhur Petra Bayer

31 Janar 2026, 13:46, Aktualitet CNA

Rruga e Shqipërisë drejt BE-së/ Delegacioni shqiptar takohet me

Sot, anëtaret e delegacionit shqiptar në Asamblenë Parlamentare të Këshillit të Europës, Ogerta Manastirliu dhe Iris Luarasi, zhvilluan një takim me Presidenten e sapozgjedhur të Asamblesë, Petra Bayer.

Takimi u fokusua te rruga e Shqipërisë drejt mbylljes së procesit të postmonitorimit dhe diskutimi për hapat pozitivë që po ndërmerren.

Presidentja Bayer, e njohur për angazhimin e saj në të drejtat e njeriut dhe të grave, shprehu mbështetje për avancimin e reformave dhe respektimin e standardeve europiane.

Anëtaret e delegacionit shqiptar theksuan rëndësinë e vazhdimit të reformave me ritëm dhe seriozitet të qëndrueshëm, me synimin që në fund të vitit 2026 Shqipëria të përmbyllë këtë proces me rezultate konkrete.

Takimi konfirmoi angazhimin e përbashkët për promovimin e të drejtave të njeriut, avancimin e të drejtave të grave dhe integrimin e Shqipërisë në standardet europiane.

“Sot, bashkë me Ogerta Manastirliun, si anëtare të delegacionit shqiptar në Asamblenë Parlamentare të Këshillit të Europës, patëm kënaqësinë të takonim Presidenten e sapozgjedhur, Petra Bayer – një mikeshë e çmuar dhe një luftëtare e palëkundur për të drejtat e njeriut dhe veçanërisht për të drejtat e grave. Folëm hapur për një temë që ka peshë: rrugën e Shqipërisë drejt mbylljes së procesit të post-monitorimit. Diskutuam për hapat pozitivë që po ndërmerren dhe për çfarë duhet të vijojë me të njëjtin ritëm e seriozitet, që në fund të 2026-s ta përmbyllim këtë kapitull me rezultate konkrete. #PACE #CouncilOfEurope #HumanRights #WomensRights #Albania Reforma StandardetEuropiane”, shkruan Luarasi./ CNA





Lajmet e fundit nga