web counter
LEXO PA REKLAMA!

SHKARKO APP

App Store
Google Play

Lisandër Hoxha: Kalimi i Policisë Bashkiake nën Ministrinë e Brendshme, kthim në monizëm

2 Shkurt 2026, 13:57, Aktualitet CNA

Lisandër Hoxha: Kalimi i Policisë Bashkiake nën Ministrinë e

Demokrati Lisandër Hoxha ka ndarë sot një qëndrim lidhur me mundësinë e kalimit të Policisë Bashkiane nën Ministrinë e Brendshme, një projektligj i shumëpërfolur gjatë dhjetorit të vitit që lamë pas.

Përmes një postimi në rrjetet sociale, Hoxha shprehet se një akt i tillë do të ishte si një kthim në kohën e monizmit, kur pushteti vendor ishte thjesht një zgjatim i komunalëve dhe çdo vendimmarrje kontrollohej nga qendra.

“Kalimi i Policisë Bashkiake nën Ministrinë e Brendshme është një kthim pas në kohën e monizmit, kur pushteti vendor ishte thjesht një zgjatim i komunalëve dhe çdo vendimmarrje kontrollohej nga qendra.

Po pse kjo skemë sot?

Kur prej vitesh janë shpenzuar dhjetëra milionë euro nga Bashkimi Europian për trajnime dhe rregullime ligjore, pikërisht për të na mësuar parimin e subsidiaritetit. Pushteti duhet të delegohet sa më afër qytetarit dhe jo të centralizohet.

Pse kjo nismë antikushtetuese që i heq një kompetencë thelbësore pushtetit vendor?

Ta themi hapur dhe pa shumë koment. Kjo bëhet vetëm për administrimin e hapësirave publike.

Policia Bashkiake do të shndërrohet në kamxhikun e ri mbi bizneset.

Një ligj i ri për administrimin e hapësirave publike është përgatitur, i cili e centralizon këtë të drejtë. Në këtë mënyrë pushteti merr në dorë se kush punon dhe kush jo. Me pak fjalë, hapësira boll për klientët e qeverisë dhe bizneset e tyre, ndërsa të tjerët marrin noc rrokun dhe nuk rrokin asgjë.

Kjo thikë pas shpine do të godasë kryesisht biznesin e vogël, i cili është më i cenueshmi edhe ndaj ndryshimeve më të vogla.

Në emër të lirimit të hapësirave publike është përgatitur edhe një aksion i dytë, pas ligjit, që do të falimentojë me mijëra të vetëpunësuar. Plani tashmë është gati. Duhet të punojë vetëm një numër i caktuar biznesesh pranë qeverisë dhe askush tjetër. Që nga shitësit ambulantë deri te dyqanet dhe baret e vogla, të gjithë janë në shënjestër. Atyre nuk do t’u lejohet më të ushtrojnë aktivitetin.

Çdo qytet do të ketë zona ekskluzive, ku parashikohet vetëm një numër i kufizuar lejesh për shfrytëzim të ligjshëm të hapësirave publike. Të tjerët ose do të punojnë në kushte të pafavorshme, ose do të falimentojnë.

Nëse e pranojmë në heshtje këtë maskaradë, duhet të përgatitemi për një eksod të fundit të krahut të punës që ka mbetur në vendin tonë.

Falimentimi i këtyre bizneseve është akti më mizor ndaj ekonomisë së vendit dhe ndaj sakrificës së qytetarëve që kanë guxuar të punojnë në këtë regjim.

Duhet një reagim i fuqishëm për ta ndalur këtë maskaradë”,-shkruan Hoxha./CNA

 





Lajmet e fundit nga