E fundit!

10:38 Kulturë

Ndahet nga jeta mjeshtri i humorit, Todi Llupi

Ndahet nga jeta në moshën 78-vjeçare mjeshtri i humorit To...

Skandali me ilaçet antitumorale/ KLSH: 46% e barnave nuk janë importuar asnjëherë

9 Shkurt 2026, 12:20, Denoncim CNA

Skandali me ilaçet antitumorale/ KLSH: 46% e barnave nuk janë

Raporti i Kontrollit të Lartë të Shtetit mbi auditimin financiar dhe të përputhshmërisë në Fondin e Sigurimit të Detyrueshëm të Kujdesit Shëndetësor ka zbuluar një sërë problematikash serioze me ilaçet antitumorale.

Në auditimin e KLSH-së, evidentohet se nga 253 barna të autorizuara për t’u importuar në Shqipëri, 45% e tyre nuk janë importuar asnjëherë gjatë periudhës janar 2021-mars 2025.

“Nga të dhënat e vëna në dispozicion nga Sektori i Shpërndarjes mbi importin e barnave, rezultoi se nga 253 barna antitumorale të autorizuara për tregtim në
Republikën e Shqipërisë, 116 prej tyre ose në masën 46%, nuk janë importuar asnjëherë gjatë periudhës së auditimit, janar 2021 – mars 2025. Një pjesë e këtyre barnave janë miratuar përmes procedurës së përshpejtuar, bazuar në autorizime të dhëna nga Agjencia Evropiane e Barnave (EMA), dhe janë të përfshira në protokollet ndërkombëtare të trajtimit të sëmundjeve tumorale”, thuhet në raportin e KLSH-së.

Skandali me ilaçet antitumorale/ KLSH: 46% e barnave nuk janë

Në raportin e KLSH-së thuhet se mosimportimi i këtyre barnave antitumorale përbën rrezik potencial për efikasitetin e mekanizmave dhe ndikon negativisht në zbatimin e trajtimeve.

“Kjo situatë mbart risqe potenciale mbi efikasitetin e mekanizmave ekzistues për përkthimin e autorizimeve tregtare në furnizim real me barna në tregun vendas, si dhe ndikon negativisht në zbatimin e protokolleve bashkëkohore të trajtimit dhe në përmbushjen e objektivave të sistemit shëndetësor. Mosimportimi i barnave të autorizuara për tregtim është në kundërshtim me nenin 16, pika d si dhe neni 32, pika 1 e Ligjit nr. 105/2014 "Për barnat dhe shërbimin farmaceutik””, thuhet në raport.

Skandali me ilaçet antitumorale/ KLSH: 46% e barnave nuk janë

KLSH rekomandon që Sektori i Shpërndarjes së Barnave dhe Pajisjeve Mjekësore në AKBPM të forcojë mekanizmat për të siguruar që çdo ilaç i autorizuar për tregtim të shoqërohet dhe me detyrimin për import dhe hedhje në treg. Detyrim i cili do të garantonte aksesin e pacientëve në barnat e domosdoshme.

“Sektori i Shpërndarjes së Barnave dhe Pajisjeve Mjekësore në AKBPM, të rishikojë dhe forcojë mekanizmat rregullatorë për të siguruar që çdo bar i autorizuar për tregtim të shoqërohet me detyrimin për import dhe hedhje në treg, duke garantuar aksesin real të pacientëve në barna të domosdoshme”, rekomandon KLSH.

Skandali me ilaçet antitumorale/ KLSH: 46% e barnave nuk janë

CNA ka publikuar prej disa ditësh pjesë nga ky raport auditues i KLSH-së, që ka evidentuar një sërë problemesh serioze që prekin drejtpërdrejt jetën e pacientëve që përdorin barna antitumorale, duke rrezikuar cilësinë dhe sigurinë e trajtimit mjekësor në vend./CNA