Pesë arsyet pse Xho Bajden nuk do të jetë kandidat për president në vitin 2024

2 Gusht 2022, 09:48, Blog Liz Peek

Pesë arsyet pse Xho Bajden nuk do të jetë kandidat për

A do të jetë Xho Bajden kandidati i demokratëve në zgjedhjet presidenciale të viti 2024? Jo. Absolutisht jo. Demokratët mund të gabojnë thuajse në gjithçka, por ata nuk janë të pritur të kryejnë vetëvrasje politike.

Analistët janë përfshirë në një diskutim të ethshëm kohët e fundit rreth perspektivave të garimit të Bajden pas 2 vitesh, edhe pse presidenti aktual po shënon rekorde negative historike në sondazhe, dhe e ka humbur mbështetjen e partisë së tij. 

Kohët e fundit, Washington Post publikoi një listë të kandidatëve demokratë për zgjedhjet e 2024-ës, dhe në listë përfshihej edhe Bajden. Në renditjet e mëparshme, ata nuk e kishin përfshirë presidentin. Gazeta e shpjegoi e shpjegoi kështu këtë moment:”Në skenarin në dukje të pamundur kur ai nuk garon sërish, pyetja ishte kush do të jetë pasuesi?”.

Tani, Washington Post thotë se “ky skenar duket sikur ka më shumë probabilitet”,  ndaj Bajden është në listë. Gazeta e pranon tani se Bajden mund të mos kandidojë në vitin 2024, pasi vlerësimet e amerikaneve ndaj tij janë minimale. Edhe një sondazh i fundit i kryer New York Times/Siena, tregoi se edhe 64 për qind e demokratëve do të preferonin dikë tjetër.

Pesë arsyet pse Xho Bajden nuk do të jetë kandidat për

Por ata e vendosën në krye të listës. Ndaj nuk është ndonjë çudi pse shumica e amerikanëve normalë e injorojnë ekspertizën politike. E pse dikush do ta merrte seriozisht kandidaturën e Bajdenit? Vetë Bajden thotë Washington Post. Me sa duket, ekipi i presidentit po përgatitet për një garë.

Pasi i njëjti sondazh tregoi se pavarësisht gjithçkaje, Bajden do të ishte ende para Donald Trumpit në raportin 44 me 41 për qind. Logjika është së Donald Trump do të jetë sërish kandidati i Partisë Republikane në vitin 2024, dhe se Xho Bajden është i vetmi demokrat që mund ta mposhtë atë.

Por gjithçka në lidhje me këtë pohim është e pakuptimtë. Bajden e mposhti Trumpin në vitin 2020, pasi votuesit ishin të lodhur nga personaliteti gërryes dhe i paparashikueshëm i Donaldit, dhe ishin të bindur se Bajden do të siguronte “normalitet”.

Ata e besuan Bajdenin kur ai u premtoi se do ta bashkonte vendin, dhe shumë amerikanë prisnin që ai të qeveriste si një i moderuar. Sondazhet treguan se miliona njerëz votuan kundër Donald Trump, dhe jo pro Xho Bajden. Amerikanët ishin jo vetëm që ishin të rraskapitur nga melodrama e Trump.

Pesë arsyet pse Xho Bajden nuk do të jetë kandidat për

Ata donin të ndjeheshin komodë. Me këtë dua të them se ata ishin joshur nga vetëkënaqësia e shumëve vite, në të cilat ekonomia ishte rritur në mënyrë të qëndrueshme, inflacioni nuk ekzistonte, dhe vendi ynë ishte në paqe. Ata nuk e kishin idenë se sa dëm mund të bënte Xho Bajden në krye të vendit.

Është e vërtetë që ne po përballonim pasojat e Covid-19, dhe shumë njerëz fajësuan presidentin Trump për dëmet që ka shkaktoi virusi kinez. Demokratët e sulmuan atë për (keq)menaxhimin e situatës, edhe pse ai organizoi përgjigjen më të rëndësishme nga të gjitha, zhvillimin e një vaksine në kohë rekord. 

Kritikat nga bodrumi i shtëpisë së Bajden dhe të aleatëve të tij në mediat liberale ishin të pamëshirshme, edhe pse Shtëpia e Bardhë dhe Kongresi vepruan me shpejtësi për të mbështetur bizneset dhe njerëzit e dëmtuar nga mbylljet për shkak të pandemisë.

Ndërsa ekonomia përjetoi një nga rëniet më të forta në historinë kombëtare, recesioniishte gjithashtu më i shkurtri në histori. Kur u mbajtën zgjedhjet, ne tashmë ishim duke u rimëkëmbur. Besimi i konsumatorit po rritej, dhe bizneset ishin gjithashtu optimiste. Punëdhënësit krijuan 672.000 vende pune në shtator 2020, dhe 638.000 të tjera në tetor. Falë rritjes së tregjeve të aksioneve dhe ndihmave bujare të qeverisë, konsumatorët kishin grumbulluar dhjetëra triliona dollarë në vlerë shtesë neto, dhe triliona në kursime të tepërta. Amerikanët ishin optimistë për të ardhmen e tyre financiare. Rezultati?

Zgjedhjet nuk shpërblyen meritat e politikës ekonomike, të cilat zakonisht diktojnë zgjedhjet e votuesve. Por sollën largimin nga detyra të një presidenti, që i kishte tejkaluar pritshmëritë ndaj tij. Edhe pse historia ka një mënyrë për t’u përsëritur, ka shumë pak gjasa që Bajden të mposhtë sërish Trumpin.

Së pari, opinioni i publikut për karakterin e Bajden është përkeqësuar në mënyrë dramatike. Një sondazh i YouGov, tregon se gati gjysma e vendit mendon tani se presidenti nuk është i ndershëm dhe i besueshëm, krahasuar me 38 për qind që mendon se po. 

Së dyti, kauzat kryesore të fushatës së Bajdenit kanë rezultuar boshe. Amerikanët e shohin Bajdenin të paaftë për ta bashkuar partinë e tij, dhe aq më pak vendin. Progresistët e fajësojnë për dështimin për të çuar përpara axhendën e tyre. Të moderuarit janë të shqetësuar nga pozicionet e tij ekstreme mbi barazinë racore, të drejtat transgjinore, abortin dhe ndryshimet klimatike.

Së treti, inflacioni dhe reagimi i Rezervës Federale, nënkupton se për herë të parë në më shumë se një dekadë, ekonomia jonë është realisht në telashe. Recesioni ekonomik po afrohet, dhe kanë filluar të rriten humbjet e vendeve të punës. 

Së katërti, është problemi i moshës. Shumica e amerikanëve (64 për qind në një sondazh të fundit) mendojnë se Bajden është shumë i moshuar për të qenë president tani, dhe aq më pak pas 2 vitesh. Kthjelltësia mendore e presidentit po bie me ritme të shpejta. 

Së pesti, Biden ka humbur mbështetjen e “Bernie Bros”, ndjekësit e senatorit socialist demokrat të Vermontit, Berni Sanders. Progresistët janë të zemëruar që Bajden nuk ka qenë në gjendje të çojë përpara masat e tyre të ashpra në lidhje me ndryshime klimatike, dhepse nuk ka ndryshuar ligjet tatimore për të goditur milionerët dhe miliarderët.

Ndërkohë, Bajden mund të mos mundë dot Trumpin në një përballje të dytë. Edhe pse sondazhi i New York Times i cituar më lart, thotë se ai ka avantazh ndaj tij, sondazhet e tjera tregojnë se Bajden humbet ndaj Trump. Njerëzit mund të mos e pëlqejnë Donald J.Trump, por ata jetonin më mirë kur ai ishte president. 

Si do ta shmangin demokratët katastrofën e mëtejshme, dhe ta pengojnë Bajdenin të rikandidojë? Unë mendoj se udhëheqësit e Partisë Demokratike dhe gruaja e tij Xhill, do ta bindin të heqë dorë. Çështja nuk është nëse ata do të ndërhyjnë për ta ndalur ri-kandidimin, por kur do ta bëjnë këtë.

Përkthyer dhe përshtatur nga CNA.al

Lajmet e fundit nga