web counter
LEXO PA REKLAMA!

SHKARKO APP

App Store
Google Play

E fundit!

x

Kalendari historik/ Çfarë ka ndodhur më 7 Tetor

7 Tetor 2023, 11:43, Blog CNA

Kalendari historik/ Çfarë ka ndodhur më 7 Tetor

2001 - Shtetet e Bashkuara nisin pushtimin e Afganistanit për të rrëzuar regjimin e talebanëve, aleatëve të Al-Kaedës

Një koalicion i udhëhequr nga SHBA-ja nis sulmet në Afganistanin e kontrolluar nga talebanët, përmes një fushate bombardimesh intensive nga forcat amerikane dhe britanike.

Mbështetja logjistike u ofrua nga vende të tjera, duke përfshirë Francën, Gjermaninë, Australinë dhe Kanadanë dhe më vonë nga rebelët anti-talebane të Aleancës Veriore.

Kalendari historik/ Çfarë ka ndodhur më 7 Tetor

I quajtur “Operacioni i Lirisë së Përhershme”, pushtimi i Afganistanit synonte të shkatërronte organizatën terroriste Al-Kaeda të drejtuar nga Osama bin Laden, e cila kishte bazat kryesore në këtë vend por edhe vetë qeverinë ekstremiste fundamentaliste talebane që po e sundonte vendin në mënyrë brutale që nga viti 1996.

Kalendari historik/ Çfarë ka ndodhur më 7 Tetor

Talebanët, që kishin imponuar versionin e tyre ekstremist të Islamit në të gjithë vendin, kryen abuzime të panumërta të të drejtave të njeriut kundër popullit të tij, veçanërisht grave, vajzave dhe komunitetit etnik hazar.

Kalendari historik/ Çfarë ka ndodhur më 7 Tetor

Disa javë para pushtimit, si Shtetet e Bashkuara po ashtu edhe Këshilli i Sigurimit i OKB-së kishin kërkuar që talebanët të dorëzonin Osama bin Ladenin për ndjekje penale.

Por talebanët u ofruan të gjykojnë bin Ladenin në një gjykatë islamike, ndaj SHBA nuk priti më dhe nisi pushtimin përmes një bombardimi ajror të bazave ushtarake të talebanëve dhe Al-Kaedës në Kabul, Kandahar, Jalalabad, Konduz dhe Mazar-e-Sharif. Avionë të tjerë të koalicionit dërguan ndihma humanitare për civilët afganë.

Më 12 nëntor, zyrtarët talebanë dhe forcat e tyre u tërhoqën nga kryeqyteti i Kabulit. Në fillim të dhjetorit, ra Kandahari, bastioni i fundit i talebanëve dhe lideri tyre Mullah Muhamed Omar u fsheh. Luftëtarët e Al-Kaedës u fshehën në rajonin malor Tora Bora, ku u përleshën me forcat afgane anti-talebane, të mbështetura nga trupat e Forcave Speciale të SHBA-së.

Kalendari historik/ Çfarë ka ndodhur më 7 Tetor

Njezët vite më vonë, më 15 gusht 2021, SHBA tërhoqi trupat e fundit nga ky vend dhe Kabuli ra sërish në duart e forcave talebane.

Gjatë këtij konflikti u vranë më shumë se 3.500 ushtarë të koalicionit të SHBA-së, dhe u plagosën mbi 20.000 të tjerë. Ndërkohë u vranë 69.000 forca afgane, 51.000 civilë dhe 51.000 luftërarë të Al-Kaedës dhe talebanë.

Ngjarje të tjera të rëndësishme:

1870 - Ministri francez i Punëve të Brendshme, Leon Gambeta, arratiset nga Parisi i rrethuar nga prusianët me një balonë me ajër të nxehtë, duke shkuar në selinë e qeverisë së përkohshme franceze në Turs.

1849 - Vdes shkrimtari i shquar amerikan Edgar Alan Po. Ai u gjet 4 ditë më herët në rrugët e Baltimorës në një gjendje tepër të rëndë shëndetësore. Ende sot nuk dihen me saktësi shkaqet e vdekjes së tij.

1952 - Lindi në Leningrad, sot Shën Petersburgu, presidenti aktual i Rusisë Vladimir Putin. Ai u bë i njohur në skenën kombëtare dhe ndërkombëtare në vitin 1999, kur u zgjodh kryeministër nga presidenti i asaj kohe Boris Jelcin, ndërsa një vit më vonë u bë president.

1985 - Katër terroristët palestinezë rrëmbejnë anijen italiane “Achille Lauro”, sapo kjo e fundit la portin e Aleksandrisë në Egjipt. Ata kërkuan që Izraeli të lirojë shokët e tyre të burgosur, dhe t’u lejonte hyrjen në një port sirian. Pas refuzimit të kërkesës terroristët e humbën toruan dhe vranë njërin nga pengjet. Më vonë ata u kapën dhe u dënuan me burg.

1940 - Trupat gjermane hyjnë në Rumani. Hitleri vendosi të pushtojë Rumaninë, si pjesë e strategjisë së tij për krijimin e një fronti të pandërprerë lindor, për të kërcënuar Bashkimin Sovjetik.

1944 - Në kampin nazist të përqëndrimit në Birkenau shpërthen një kryengritje e të burgosurve.

1976 - Hua Guofeng, kryeministër i Republikës Popullore të Kinës, zëvendëson të ndjerin Mao Ce Dunt si kryetar i Partisë Komuniste të Kinës./ Përshtatur nga CNA





Lajmet e fundit nga