web counter
LEXO PA REKLAMA!

SHKARKO APP

App Store
Google Play

E fundit!

x

Hiperhidratimi/ Kur pirja e sasive të mëdha të ujit është e dëmshme për ne

26 Shtator 2023, 18:52, Blog CNA

Hiperhidratimi/ Kur pirja e sasive të mëdha të ujit

Hidratimi i tepërt është një gjendje e karakterizuar nga konsumimi i tepërt i lëngjeve në mënyrë të vazhdueshme ose në një periudhë të shkurtër kohe. E njohur edhe si “dehja nga uji”, ky problem është e kundërta e dehidratimit.

Autoriteti Evropian i Sigurisë Ushqimore rekomandon pirjen në 24 orë të 2-2.5 litrave ujë për burra dhe 1.5-2 litra për gratë. Po çfarë ndodh kur pimë shumë ujë? Hiperhidratimi sjell një rritje të vëllimit të qelizave. Ndër këto të fundit, më të ndjeshmet janë padyshim ato të trurit, të cilat nëse marrin sasi të mëdha lëngjesh në një kohë të shkurtër, nuk janë në gjendje të përshtaten siç duhet.

Në këtë mënyrë lind një simptomatologji tipike. Çrregullimi ka disa shkaqe. Nga kjo preken shpesh atletët që përpiqen të shmangin dehidratimin duke pirë shumë ujë. Por në rrezik janë edhe njerëzit tek të cilët nuk ndodh normalisht sekretimi i urinës, pra të lindurit para kohe, si dhe pacientët që vuajnë nga sëmundje të zemrës, mëlçisë dhe veshkave.

Kujdes duhet të keni edhe kur merrni disa barna kundër depresionit dhe të ashtuquajturën sindromë e sekretimit të papërshtatshëm të hormonit antidiuretik. Në rastin e fundit, teprica e vazopresinës që sekreton gjëndrra e hipofizës, i nxit veshkat të mbajnë ujin e panevojshëm.

Nuk është e pazakontë që hiperhidratimi të jetë edhe me origjinë psikiatrike (polidipsia psikogjenike). Hidratimi i tepërt mund të dëmtojë veshkat, trurin dhe zemrën. Sidomos veshkat nuk janë në gjendje të filtrojnë dhe eliminojnë siç duhet lëngjet e tepërta.

Kjo vështirësi është më e theksuar tek individët që vuajnë nga insuficienca kardiake dhe ajo renale kronike. Futja e një sasie të madhe të ujit në trup, shkakton hiponatreminë, një gjendje e karakterizuar nga një ulje e niveleve të natriumit në gjak. Dhe është pikërisht çekuilibri i elektroliteve, ai që shkakton simptoma të tilla si:dhimbje koke; të vjella; rëndesë në bark; ënjtje, konfuzion mendor; rrahje të parregullta të zemrës; dobësi muskulore; urinim i shpeshtë; përgjumje.

Megjithëse trupi ka mekanizma efektivë për të rregulluar marrjen e lëngjeve sipas nevojës, një hidratimi i tepruar në një formë të rëndë mund të shkaktojë konvulsione dhe madje të çojë në koma. Pavarësisht nga shkaku themelor, hapi i parë për trajtimin e kësaj gjendjeje zvogëlimi, nën mbikëqyrjen mjekësore, i marrjes ditore të lëngjeve në më pak se 1 litër.

Në këtë mënyrë simptomat reduktohen brenda pak ditësh. Kur problemi buron nga sëmundjet të zemrës, mëlçisë ose veshkave, është mirë të kufizoni marrjen e natriumit. Po ashtu, Mjeku mund të rekomandojë pezullimin e barnave që besohet se janë përgjegjëse për çrregullimin./ Pershtatur nga CNA





Lajmet e fundit nga