E fundit!

11:41 Aktualitet

Përplasjet me opozitën/ Balla: Partinë e Sali Berishës nuk e pranoj si përfaqësuese të protestës

Kreu i grupit të PS, Taulant Balla pas mbledhjes së Konfer...

Sekretari i OMONIA-s: Fakti që tronditi gjyqtarët për Belerin, u llahtarisën

1 Mars 2024, 07:58, Aktualitet CNA

Sekretari i OMONIA-s: Fakti që tronditi gjyqtarët për Belerin, u

Marin Suli

Sekretari OMONIA-s, Marin Suli, në emisionin "Opinion" foli në lidhje me arrestimin e Fredi Belerit dhe krizën e marrëdhënieve mes Shqipërisë dhe Greqisë.

Sipas tij arrestimi i Belerit është politik dhe se akuzat ndaj tij janë të pabaza. Suli deklaroi një detaj të ditëve të fundit, duke thënë se gjykatësit janë “llahtarisur” me provën shkencore për Belerin.

Biseda:

Marin Suli: Emigrantët himariotë që kanë ardhur të votojnë nuk janë zombi, janë shtetas shqiptarë që kanë të drejtën e votës. Nuk është përfshirë shteti grek, s’ka pasur asnjë presion për asnjë sekondë nga Policia, apo çdo organ. Fushata ka qenë një nga 61 fushatat më të mira në Shqipëri. Fushatën e prishi me shqelm i gjati që hyri si asnjëherë tjetër, dhe fatkeqësisht këtu filloi historia”, u shpreh ai.

-A ka fakte për Belerin Prokuroria?

Marin Suli: Po të vetmin fakt që ka Prokuroria është specializimi se si falsifikohet një letër e bardhë dhe të montosh një çështje. Padashje Prokuroria pas shumë kërkesash na dorëzoi tabulatet telefonike të këtij të infiltruarit, të zotit Beleri dhe u vërtetua me prova shkencore që në momentin e prezumuar të këtij filmimi që nuk ekziston, Beleri me këtë oligarkun e sardeleve kanë qenë 4.2 km larg njëri-tjetrit. Me qelizat e antenave, njëri është në Himarë Spille qendër, tjetri në Himarë Potam. Është provë shkencore e dorëzuar në gjykatë.

-Po nuk pretendon që e ka takuar ai, e ka dorëzuar personi tjetër.

Marin Suli: Jo ai pretendon që ka video që thotë “jo 300 euro, 500 euro”. Gjykatësit u trembën, u llahtarisën dhe thanë “ore dale se na doli kjo gjëja e re, po na plas në dorë.” Po të rrije e të shihje gjestet e tyre, u treguan në hall.

-Analizë psikologjike!

Marin Suli: Ne po merremi me teori konspirative, e unë mos të merrem me analizë psikologjike kur i kam përballë! U përpoqën të japin dhe 7 ditë kohë që të shohin se çfarë do na japin ky prokurori dhe ajo zonja prokurore e SPAK-ut./CNA