web counter
LEXO PA REKLAMA!

SHKARKO APP

App Store
Google Play

Propozimi i Zelensky-t për prodhimin e armëve/ Rama: Duhet të kemi një industri tonën

29 Shkurt 2024, 13:34, Aktualitet CNA

Propozimi i Zelensky-t për prodhimin e armëve/ Rama: Duhet të

Kryeministri Edi Rama ka folur për propozimin e Presidentit Volodymyr Zelensky që vendet e Ballkanit Perëndimor të bashkëpunojnë për prodhimin e armëve.

Për këtë propozim ra dakord edhe Shqipëria.

I pyetur sot në konferencë nëse Shqipëria i ka kapacitetet për të prodhuar armë, Rama tha se nuk kemi një industri prodhuese dhe po punohet për të gjetur marrëveshjen e duhur me partnerët e duhur për të ringjallur infrastrukturën e mbrojtjes.

Rama deklaroi se Shqipëria duhet të ketë një industri për veten e saj dhe se duhet të investohet në mbrojtje.

"Ne patëm një Samit shumë të mirë, por dhe zhvilluam diskutime të mira me Zelensky-n dhe të tjerët. Ai Samit tregoi diçka që është thelbësisht e rëndësishme, që të gjithë ishin këtu. Rajoni ishte larg duarve të Rusisë dhe ishte këtu si rajon që kërkon të jetë pjesë e BE-së.

Sa i takon industrisë ushtarake dhe prodhimit të armëve ne si Serbia apo Bosnja nuk kemi një industri prodhuese të mjeteve ushtarake, duam ta kemi së pari për veten, po punojmë të gjejmë marrëveshjen e duhur, partnerët e duhur, të ringjallim infrastrukturën tonë të vjetër dhe të bëjmë më shumë.

Propozimi nuk ka asgjë të jashtëzakonshme, Zelensky foli për investim, prodhim dhe bashkëpunim dhe të gjithë thanë po, jo vetëm Shqipëria.

Ky është një proces që ne e dimë se duhet të investojmë në mbrojtje", tha Rama./ CNA

 





Lajmet e fundit nga