web counter
LEXO PA REKLAMA!

SHKARKO APP

App Store
Google Play

Integrimi në BE/ Porositë e Varhelyi-t për vendet e Ballkanit Perëndimor

29 Shkurt 2024, 10:29, Aktualitet CNA

Integrimi në BE/ Porositë e Varhelyi-t për vendet e Ballkanit

Komisioneri për Zgjerimin e Fqinjësisë, Oliver Varhelyi, ka dhënë porositë e tij për vendet e Ballkanit Perëndimor sa i përket çështjes së integrimit.

Sipas komisionerit, vendet e Ballkanit Perëndimor duhet të integrohen në BE dhe duhet vënë në zbatim Plani i Ri i Rritjes Ekonomike.

Ai thekson se rajoni duhet të ecë me shpejtësi përpara, për plotësimin e reformave.

Po ashtu duhet të aplikojnë rregullat e BE-së dhe mund të bëhen pjesë e tregut evropian edhe para se të jenë vend anëtar i BE-së.

 “Edhe pse ne po afrojmë fundin e mandatit tonë, dua të lëmë diçka pas, diçka serioze. E prekshme. Diçka që të jetë e ndjeshme për aspektin afatshkurtër dhe afatmesëm. Shoqëritë e Ballkanit Perëndimor duhet të integrohen në BE.

BE duhet që të ofrojë të gjitha përfitimet që sjell anëtarësimi. Kjo është ideja jonë që vjen me planin e rritjes. Është plan ambicioz. Kemi gjysmën e kohës për ta vënë në zbatim. Rajoni do të duhet të ecë me shpejtësi përpara, për plotësimin e reformave. Duhet të aplikoni rregullat e BE-së. Mund të bëheni pjesë e tregut evropian edhe para se të jeni vend anëtar i BE-së”, tha ai./ CNA





Lajmet e fundit nga