web counter
LEXO PA REKLAMA!

SHKARKO APP

App Store
Google Play

6 kompani fituese në fazën e parë për ndërtimin e parqeve eolike/ Balluku: Do të vlerësojmë ofertën financiare

16 Shtator 2022, 14:03, Aktualitet CNA
6 kompani fituese në fazën e parë për ndërtimin e
Belinda Balluku

Ankandi për parqet eolike është iniciative e qeverisë që u hap në korrik të vitit 2021 dhe u mbyll në qershor të vitit 2022.

Zv.kryeministrja Belinda Balluku bën me dije se në fazën e parë janë fituese 6 kompani për investimet në energjinë e gjelbër si parqet eolike që do të jenë të parat në Shqipëri që prodhojnë shumën totale nga 100-150 megavat/orë.
Balluku shtoi se do t'u kërkojnë kompanive që kanë eksperiencë në fushën e prodhimit energjetik nga burime të rinovueshme që të përfundojnë sa më shpejt punën. Ndër të tjera, theksoi se në fazën e dytë do të nisë vlerësimi i ofertës financiare.

Këto do të jenë parqet e para në Shqipëri. Shuma totale e prodhimit do të jetë 150 megavat orë. Do të kërkojmë nga kompanitë që të përfundojnë sa më shpejt punën. Nuk e dinim që do të kishte një krizë energjie kur ne e kemi nisur punën për parqet. Në fazën e parë, ku morën pjesë 17 kompani, kryesisht ndërkombëtare, ne kemi arritur në një numër prej 6 kompanish që do të vlerësojmë kushtet financiare që do të bëhet live. Pra, nga faza e parë për kushtet teknike janë fituese 6 kompani të huaja e një konsorcium shqiptar.

Janë kompani franceze, gjermane, turke, turke dhe shqiptare. Kemi vendosur një tavan, që do të jetë 75 euro për megavat orë. Ofertat duhet të jetë më pak se ky tavan. Duke qenë se çmimet janë të paparashikueshme në tregjet e huaja. Ky do jetë përfitim për ne për lidhjen e kontratës me cmimim maksimal deri në 75 euro.- tha Balluku.

 





Lajmet e fundit nga