web counter
LEXO PA REKLAMA!

SHKARKO APP

App Store
Google Play

E fundit!

x

Gjyqi për shkarkimin në Kushtetuese/ Ja çfarë po bën Meta

7 Shkurt 2022, 09:46, Politikë CNA

Ndërkohë në Gjykatën Kushtetuese po vijon seanca për kërkesën e parlamentit, për shkarkimin e presidentit Ilir Meta, ky i fundit vijon të japë tituj, për personalitete.

Në një postim në rrjetet sociale, Meta shkruan se ka vlerësuar me Titullin e lartë ?Kalorës i Urdhrit të Flamurit?, një prej personaliteteve më të shquara të jurisprudencës shqiptare, avokatin e paharruar Nafiz Bezhani.

?Në vlerësim të vlerave të spikatura si qytetar kurajoz në mbrojtje të shoqërisë dhe të institucioneve të lirisë e demokracisë, si dhe për kontributin e dhënë për pasurimin e kujtesës historike përmes analizës e fakteve juridike, pata kënaqësinë e veçantë të vlerësoj me Titullin e lartë ?Kalorës i Urdhrit të Flamurit?, një prej personaliteteve më të shquara të jurisprudencës shqiptare, avokatin e paharruar Nafiz Bezhani.

Shembull i rrallë i rezistencës ndaj padrejtësive dhe mos përkuljes kundrejt arrogancës dhe trysnisë së pushtetit, ai mbeti besnik i parimeve të së drejtës dhe së vërtetës, duke rrezatuar gjithmonë integritet të lartë, nga Lufta e Dytë Botërore ku luftoi si partizan për çlirimin e Shqipërisë, me moskonformimin e tij me padrejtësitë dhe krimet e diktaturës, dhe me kontributin e vyer të dhënë si Kryetar i Komisionit për Verifikimin e Figurave me transparancën e bërë për dosjet sekrete të ish-Sigurimit.

Mirënjohje të veçantë për komunitetin e mrekullueshëm patriot dhe intelektual të Fterrës, që gjithmonë i ka dhënë Shqipërisë, personalitete të shquara si Nafiz Bezhani.?-shkruan Meta./CNA.al





Lajmet e fundit nga