LEXO PA REKLAMA!

SHKARKO APP

Nga Shkodra në Sarandë/ Rama nxjerr bandat të mbështesin Bashën?

7 Shkurt 2022, 09:09, Politikë CNA

Ish-nënkryetari i FRPD, Lisandër Hoxha hedh dyshime se kryeministri Edi Rama ka nxjerr bandat të mbështesin Lulzim Bashën, në zgjedhjet e 6 marsit.

Në një postim në rrjetet sociale, ai thekson se këto janë informacione që qarkullojnë nëpër tavolina.

Më tej, ai i drejton një thirrje të fortë demokratëve, ndërsa shkruan se është koha që t?i tregojnë vendin Rilindjes.

?Po japin lekë në Durrës!

Në Vorë, Rama ka mbledhur bandat dhe po punojnë për Lulin.

Nuk e le Salen Amerika me fitu….

SPAK-u do arrestojë Foltoren para datës 6 Mars….

Toma po punon për Lulin në Shkodër…..

Ymer Lala po mbështet Lulin e bandat e drogës….

Bandat e Peqinit kanë hyrë në Rrogozhinë për të blerë votat.

Hakmarrja për Drejtësi po pengon të djathtet që të dalin në votime në Lushnje.

Rama ka mbaruar punë dhe i ka shpërndarë lekët.

Të gjithë këto që shkruaj qarkullojnë si thashetheme tavolinash nga Shkodra në Sarandë.

Unë nuk e di sa të vërteta janë këto informacione, por, e di me siguri që, nëse me 6 Mars dilni masivisht në votime, narkoshteti nuk ka asnjë shans.

Eshte jetike për çdo demokrat që të mobilizohet vetë në fushatë dhe të japë një mesazh të qartë për Rilindjen.

Në vërtetë jemi një popull i varfër, i cili patronazhohet nga regjimi, që kërcënohemi me bukën e gojës, por jemi edhe një popull i zgjuar.

E dimë fare qartë se, nëse Rilindja i humb këto zgjedhje, ne do të jemi më të fortë dhe më të sigurtë në rrugëtimin tonë për përmbysjen e tyre. Do të kemi më shumë forcë për të kërkuar zgjedhje të parakohshme dhe të mos pranojmë pazarin Rama-Basha të 25 Prillit.

Thirrja ime për çdo qytetar të përgjegjshëm të bashkive në garë është: Talluni me ata që ju tallen prej 8 vitesh.

Thuajini po dhe shkeluni syrin maskarenjve. Shkoni në mbledhjet e tyre dhe gënjeni ata siç ata ju kanë gënjyer prej kaq kohësh.

Ti mësues, që të kërkojnë listen e familjes për votime dhe shantazhohesh me rrogen tënde për këto votime, thuaj po dhe voto kundër.

Ti mjeku i familjes, që të kërkon partia të japësh kontribut në fushatë, thuaj po dhe voto kundër.

Ti me ndihmë ekonomike, që të është bërë jeta ferr nga ata që të vijnë me makina 100 mijë euro për të kërkuar voten, thuaj po dhe voto për Shqipërinë europiane, voto kandidatët e Shtëpisë së Lirisë.

Ky është momenti më i mirë që të tallemi me Rilindjen dhe të rrisim presionin publik për zgjedhje të parakoheshme. Mos u ndikoni nga propaganda sepse ajo ka vetëm një qëllim: të dekurajojë fitoren, të dekurajojë popullin opozitar, i cili është shumë herë më i madh se stabilokratet që e duan Shqipërinë peng.

Mbështesni projektin fitues në zgjedhje dhe mos keni frikë për asgjë.

Rilindja dhe Luli janë e shkuara e hidhur e politikës së vjeter.

Një ore e re politike fillon për vendin tonë pas 6 Marsit.

Talluni me ata që ju tallen për 8 vite dhe e lanë Shqipërinë në mëshirë të fatit.

Zoti i bekoftë opozitarët e ndershëm, të cilet nuk durojnë dot më këtë demokraci të rreme.?-shkruan Lisander Hoxha.

Lajmet e fundit nga