“Burracak që ka përçarë PD”/ Kulluri-Bashës: As Rama nuk të mbron dot, për përjashtimin e Berishës

17 Shtator 2021, 08:34, Politikë CNA
“Burracak që ka përçarë PD”/

Ish-anëtari i Kuvendit Kombëtar në Partinë Demokratike, Edvin Kulluri e quan kreun e PD-së Lulzim Bashën, burracak që ka përçarë partinë.

Me anë të një postimi ne rrjete sociale, Kulluri thotë se Basha e ka kthyer partinë në një ?shërbëtore? të interesave të tij, ndërsa i përmend këtu edhe marrëveshjen me kryeministrin Edi Rama.

Sipas Kullurit, pavarësisht sekësaj marrëveshje, as Rama nuk e mbron Bashën, për të legjitimuar kërkesën e tij për përjashtimin e Berishës.

I vetmi kryetar partie në Evropë e botën demokratike që nuk përfaqëson shumicën e anëtarëve të partisë së tij është Lulzim Basha! Parullës se ?politikanit perëndimor? i ka dalë boja prej 4 vitesh! Lulzim Basha nuk ka bërë asnjë debat me kundërshtarët e tij as ne Kryesi, as në Këshill Kombëtar e as në takimet në degët e PD në zgjedhjet për kryetar në 2017 dhe 2021!

Çdo vendim ose e imponon në forumet që i emëron vetë pa garë, ose e shpall pa asnjë vendim forumesh! Kjo e ka rrënuar imazhin e PD si një parti demokratike dhe e hapur duke e dënuar me opozite te përjetshme nën ketë model!  Edhe me Berishën natyrisht do bëjë të njëjtën gjë! Nxjerr të flasin ca eunukë te importuar nga njëfarë cili, ose nga familja e tij. Nuk ka këllqe të përballet në asnjë forum apo takime në bazë me të. Njëherë fshihet pas frazave te tipit ?me falni se nuk e bej me? ose ?ma kërkuan SHBA? që në fakt nuk i ka dëgjuar as në 2017 e as në 2019 kur i kërkuan te mos destabilizonte vendin për kapriciot e tij!

Ky njeri është një burracak që e ka përçare PD në shërbëtore te tij dhe ?armiq imagjinare?, ndërkohë që nuk jep llogari për asnjë dështim e vendim anti-demokratik.  Por kësaj maskarade i ka ardhur fundi! Boll më! Tani nuk fshihet dot më pas asnjë gënjeshtre apo kulise. Demokratët që kanë mbështetur kritikët në parti e tashmë edhe Berishën janë shumicë absolute me të cilët Basha e ka të humbur betejën!

Në demokraci shumicën mund ta përdorësh por nuk e mund dot duke u fshehur pas vulës se kryetarit e ca individëve që kanë 8 vite që kanë humbur çdo betejë elektorale. Ma djem e vajza bashkëpunëtoresh të Sigurimit te Shtetit nga Durresi, Tirana e Elbasani nuk përballesh dot me shumicën e demokrateve Lulzim! E as Rama nuk te mbron dot, duke miratuar kërkesat e tua për përjashtimin e Berishës nga Grupi Parlamentar.

Si çiban erdhe ne PD e si çiban do hiqesh. Është fati yt pasi i tille ke lindur!  Balzaku thoshte se ?pas çdo karriere të pamerituar qëndron një maskarallëk i madh?! Ti kaq je! E kështu do largohesh si viktime e fatit tënd prej maskarai./CNA.al

Lajmet e fundit nga