E fundit!

09:54 Kosova & Bota

Europa përfshihet nga vala e të nxehtit, Italia në alarm me temperatura deri në 45°C

Një valë e fuqishme të nxehti ka përfshirë Italinë dhe...

Ambasadorja e SHBA-ve i heq alibinë Bashës, për përjashtimin e Sali Berishës

17 Shtator 2021, 07:51, Politikë CNA

Në një intervistë, dhënë për Zërin e Amerikës, dje në mbrëmje, ambasadorja e SHBA në Tiranë, Yuri Kim ka folur mjaft gjatë për marrëdhëniet e politikës në Shqipëri, rolin e ambasadës, marrëdhëniet e shkëlqyera që ajo investon çdo ditë për të pasur mes Shqipërisë dhe SHBA-ve.

Si një diplomate, zonja ambasadore mbrojti vendimin e DASH, mbajti një qëndrim të qartë të saj, duke thënë se nuk ka teori konspirative, vendime të tilla kalojnë në një rrugë të gjatë, e të tjera si këto.

Në fakt midis rrjeshtash, ambasadorja me gjuhën e fortë diplomatike, i hoqi alibinë e fundit Lulzim Bashës.

Alibinë për përjashtimin e Berishës, pët të cilin tha se ishte përballë një presioni mjaft të fortë të ambasadës së SHBA, dhe zyrtarëve të lartë të DASH, pasi PD-ja do të merrte kosto në rast se nuk përjashtonte Berishën.

Pra, kthyer në gjuhë popullore, Lulzim Basha tha se ishte kërcënuar se në rast se nuk do të përjashtohej Berisha, ndëshkimi do të binte mbi të dhe Partinë Demokratike.

Në fakt ambasadorja është treguar mjaft e qartë. Ajo ka thënë se ky vendim ka qënë i Lulzim Bashës.

Me gjuhën e saj diplomatike, midis rreshtash ambasadorja tha se ?Udhëheqësit duhet të marrin përgjegjësi për vendimet e tyre.?

Ndërsa Lulzim Basha opinionit publik dhe shqiptarëve, iu ka thënë krejt të kundërten. Iu ka thënë se vendimi ka qënë idetyruar, ndërsa ambasadorja totalisht e përgenjeshtron. Thotë se nuk e kanë detyruar.

Basha thotë se ka qënë në presion, ndërkohë që ambasadorja qartësisht thotë se nuk ka qënë nën presion, por ka qënë vendimi i Lulit.

Dhe Luli thotë në fund se është detyruar të shkelë statutin e partisë, thjeshtë dhe vetëm sepse ka pasur kërcënim dhe presion.

Dhe këtë alibi zonja ambasadore ia rrëzon me fjalitë që ka thënë më sipër.

Pra, qartazi, ditë pas dite po duket se Lulzim Basha, tashmë nuk ka më asnjë alibi nga ato që doli e i tha i mbyllur në zyrë. Pa praninë e asnjë prej anëtarëve të kryesisë apo drejtuesve të Partisë Demokratike, duke përjashtuar me një vendim krejtësisht personal, jo statutor, nul nga ana ligjore dhe juridike, ish-liderin historik të Partisë Demokratike, Sali Berisha, i cili nga dje ka filluar një lëvizje për bashkimin e PD dhe largimin e Lulzim Bashës nga kreu i kësaj partie./CNA.al