LEXO PA REKLAMA!

SHKARKO APP

Video-Breshëri plumbash nga ajri në det!/Si u qëllua gomonia nga helikopteri italian

7 Prill 2017, 20:23, Aktualitet CNA

Një aksion ndërkombëtar antidrogë u zhvillua në afërsi të Korfuzit, ku u kap një gomone me 1.5 tonë kanabis.

Burime zyrtare thanë se gomonia me motorë të fuqishëm nga 400 cv drejtohej nga 3 persona dhe është nisur nga jugu i Shqipërisë ndërsa u pikas në afërsi të Korfuzit. Policia shqiptare njoftoi Guardia di Finanza në Durrës dhe Vlorë, por janë sinjalizuar dhe janë aktivizuar edhe njësitë e Guardia di Finanza në Bari e Taranto si dhe Frontex.

Më pas gomonia u pikas në afërsi të Kalabrisë, ku ka nisur ndjekja në det të hapur. Ndjekja filloi mbrëmjen e 6 prillit dhe përfundoi rreth orës 16:00 të 7 prillit në pjesën fundore të Greqisë. Në pamjet e ndjekjes të publikuar nga policia duket qartë se si helikopteri i Frontex ka hapur zjarr ndaj gomones me 3 shqiptarë.

Në ato pak sekonda të bëra publike duket se si dy herë helikopteri ka hapur zjarr mbi gomonen pasi shihen gjurmët në ujë. Kjo me siguri ka qenë një lëvizje paralajmëruese për të ndalur gomonen./CityNews

Lajmet e fundit nga