LEXO PA REKLAMA!

SHKARKO APP

POLICIA HESHT/ Kërcënohet përsëri gazetari i inflitruar në rrjetin e drogës

7 Prill 2017, 17:24, Aktualitet CNA

Enver Bogdani, gazetari investigative i emisionit ?BOOM? të televizionit ?Ora News?, që pas infiltrimit në një grup trafikantësh droge, për llogari të këtij emisioni, u pushua nga puna, ka marrë kërcënimin e dytë, nga persona ende të paidentifikuar prej Policisë së kryeqytetit.

Këtë herë kallzimin e veprës penale gazetari nuk e ka depozituar në Komisariatin nr. 4 të Policisë, por në homologun e tij me Nr.1, përpara oficerit të policisë gjyqësore të të cilit, Behar Hyka, nën përgjegjësi penale, ndër të tjera ka deklaruar:

??Sot më datën 05.04.2017, rreth orës 15.50 minuta më ka ardhur një mesazh kërcënues nga numri i telefonit 0697574668, që është i panjohur nga ana ime. Në këtë mesazh shkruhet; ?E bëre akoma më të madhe punën do të të q.. robt, do të të djegim të gjallë ty dhe ça ke mbrapa?. Për këtë arsye unë ndjehem I kërcënuar për jetën time dhe të familjes time dhe për këtë arsye unë i kam larguar familjarët e mij nga banesa. Procesverbalin pasi e lexoj e firmos pa vërejtje?.

Kjo është përmbajtja e denoncimit të bërë nga gazetari Bogdani në Komisariatin Nr. 1. Që vjen pas atij të depozituar në komisariatin Nr. 4 në datën 27 shkurt 2017 dhe që deri më sot përveçse i ka kaluar Prokurorisë për hetim të mëtejshëm (një procedurë rutinë kjo për të gjitha denoncimet e qytetarëve), policia nuk ka sjellë asnjë gjurrmë të re në identifikimin dhe kapjen e autorëve të kërcënimit. Gjë që, nga sa shihet, i ka trimëruar akoma më shumë agresorët, që nuk kanë ngurruar të kërcënojnë, madje edhe duke mos ngurruar të lenë si gjurrmë numrin e telefonit./ CityNEWS

Lajmet e fundit nga