E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit me kreut ...

Socialistët hidhen në sulm/Niko Peleshi: Qeveria teknike kërkese absurde e opozitës

7 Prill 2017, 16:47, Aktualitet CNA

Zv/kryeministri Niko Peleshi, njëkohësisht dhe kreu i listës të socialistëve për Qarkun e Korçës e ka quajtur absurde kërkesën e opozitës për qeveri teknike. Peleshi ka thënë se parti brenda apo jashtë koalicionit mund të mos kenë ofertë për zgjedhjet e 18 qershorit, ndërsa socialistët kanë ofertën e punësimit që sipas tij do vijë pas reformave të thella të qeverisë.

?Për ne si Parti Socialiste ditët do jenë të qeta deri më 18 Qershor, sepse jemi partia në qeverisje dhe në respektim të Kushtetutes respektojmë datën e zgjedhjeve. Kemi dy sfida të mbeshtesim atë proces zgjedhor që do të jete më i miri në 27 vite, dhe tu tregojmë shqiptarëve se çfarë kemi berë dhe se çfarë mund të benim më mire ose me shumë.

Shqipëria ka nevoje për më shumë vende pune, por në këto katër vite kemi shtruar rrugën përmes konsolidimit të shtetit ligjor dhe reformave për të ecur me shpejtesi në rrugën e punësimit. Këtë e sjellim si ofertë në zgjedhje. Nëse partite e tjera brenda apo jashtë koalicionit, kjo ka pak rendesi, në të gjithë spektrin politik, nuk kanë ofertë për zgjedhjet kjo nuk është përgjegjësia jonë, përgjegjësia jonë është që të krijojme të gjitha kushtet që çdo parti që ka një ofertë, që ka dicka për të thenë në kembim të votes që do u kërkojë shqiptarëve, ta ushtroje këtë të drejtë lirisht?, u shpreh Niko Peleshi.

Zv/kryeministri më tej tha se ?kemi një qeveri legjitime që ka ardhur me votën e popullit, qeveria vjen dhe iken përmes votëbesimit të popullit dhe votëbesimit në parlament, nëse një nga këto ka rënë na duhet të presim datën e zgjedhjeve që të provojmë se kë mbështesin shqiptarët dhe parlamenti ka të drejtën e vet të mandatohet pro apo kundër kësaj qeverie.

Ne kemi nje qeveri legjitime që nuk ka asnjë arsye ti lerë vendin nje qeverie tjetër e cila në fakt vjen si nje kërkese absurde e opozitës që pa dashur të jem negativist është më tepër një pretekst sesa një kërkese racionale.

Ka nje rregull shumë të thjeshtë në demokraci, demokracia ka në themel të vet votën. Nese Partia Socialiste votëbesohet për të vazhduar punën edhe katër vitet e tjera për ketë në nuk mund të shtiem fall, nuk mund të shohim filxhanin e asnjë lloj kafeje dhe asnje lloj institucioni por duhet të presim filxhanin e 18 Qershorit?, përfundoi prononcimin e tij Niko Peleshi.