LEXO PA REKLAMA!

SHKARKO APP

Itali/ Pranga shqiptarit fajdexhi

7 Prill 2017, 13:30, Aktualitet CNA

Guardia di Finanza ka venë në pranga ditën e sotme një shtetas shqiptar i cili jepte para me fajde kundrejt përqindjeve të majme. Ndërkohë janë shpallur në kërkim edhe tre shtetas të tjerë shqiptar,  bashkëpunëtor të tij. Sipas raportimeve të medias italiane, brenda vetëm gjysëm viti, shqiptari 45 vjeçar, emri i të cilit nuk bëhet i ditur, ja ka dalë të sigurojë njëqind mijë euro.

Sistemin e dhënies me fajde ai e aplikonte tek italianët që merreshin me biznes dhe tregti, por edhe që gjendeshin në vështirësi financiare, ndërkohë që ligjet italiane nuk e lejojnë një  marrëdhënie të tille të kryer jashtë sporteleve të bankave.

Aktivitetin e tij prej fajdexhiu shqiptari 45 vjeçar e ushtronte në zonën e Velltrit dhe Aprilias.Norma e interesit që ai aplikonte shkonte deri në 300%, kurse suksesi i këtij lloj biznesi lidhet me situatën tejet të vështirë që po kalon Italia.

Guardia di Finanzia tha se disponon prova të plota për të vërtetuar akuzën e grabitjes dhe kamatës, për të cilën akuzohet shqiptari dhe tre shokët e tij. Si të tilla të pakundërshtueshme janë përgjimet nëse gjashtë mujore që I janë bërë grupit të fajdexhinjve./ CityNEWS

Lajmet e fundit nga