web counter
LEXO PA REKLAMA!

SHKARKO APP

App Store
Google Play

E fundit!

x

Skandali i Adriatik Llallës/Transferon oficerët e policisë gjyqësore në shkelje të ligjit

7 Prill 2017, 15:34, Aktualitet CNA

Kryeprokurori Adriatik Llalla, vazhdon të shkelë ligjin dhe në mënyrë krejtësisht abuzive vepron me lëvizjet e oficerëve të policisë gjyqësore.

Pas skandalit të djeshëm në lidhje me pezullimin dhe rikthimin në detyrë të dy prokurorëve pasi më parë i kishte akuzuar për korrupsion, vjen një tjetër rast. Citynews mësoi se Adriatik Llalla ka transferuar disa oficerë të policisë gjyqësore megjithse nuk mund dhe nuk duhet ti kryejë këto levizje, pasi janë në shkelje të ligjit të ri ?Për Prokurorinë?.

Kryeprokurori Llalla në shkelje të plotë të ligjit të ri për prokurorinë, në bazë të nenit 38 pika 2 germa, miratuar gjatë në frymën e reformës në drejtësi, nuk mund të bëjë asnjë lëvizje. Por Llalla vazhdon lëvizjet edhe pse ligji është në fuqi dhe nuk I lejohet ky veprim.

Me urdhër të Prokurorit të Përgjthshëm,  Adriatik Llalla janë transferuar 5 oficerë të policisë gjyqësore të prokurorisë Tiranë, veprim ky në shkelje të hapur të ligjit.

Me urdhër u transferuan Llazar Tuni, në prokurorinë e Lushnjës, Martin Hicka në Pogradec, Valbona Basha në Elbasan , Genti Plaku në Lushnje , Darling Muja në Dibër!

Sipas ligjit të ri për prokurorinë tashmë në fuqi nuk lejohen transferimet e oficerve nga Prokurori i Përgjithshem. Në të gjithe urdhërat e transferimit të Llallë, oficerët e lëvizur nuk kanë asnjë motivacion dhe të gjitha mesa duket janë të pa bazuara në ligj.

Burime zyrtare i thanë Citynews se pritet që oficerët të ankimojnë vendimin e transferimit në Gjykaten Administrative./Citynews





Lajmet e fundit nga