E fundit!

13:05 Aktualitet

Kallëzohet në SPAK Edi Rama

Grupi Parlamentar i PD kallëzon në SPAK Edi Ramën për vepr...

Petrit Vasili sulmon Ramën/Është konfliktual

7 Prill 2017, 17:19, Aktualitet CNA

Ministri i Drejtësisë, Petrit Vasili një nga njerëzit më të besuar të Ilir Metës që ditët e fundit ka qenë edhe pjesë e negociatave në zyrën e kryeministrit Edi Rama komentoi sot në rubrikën ?Opinion? në studion e lajmeve në News 24 krizën politike, e cila sipas tij, ka detyruar kryeparlamentarin Ilir Meta të mbajë qëndrimet e shprehura ditët e fundit, që opozita të jetë pjesë e zgjedhjeve të 18 qershorit.

?Zgjedhjet janë më të rrezikuara se kurrë më parë. Qëndrimi i tij ishte për të thënë se kemi një krye çështje dhe zgjidhja e saj është krye thënia e të gjitha zgjidhjeve. Pa zgjidhjen e saj nuk mund të kemi zhvillim ekonomik, reformë në drejtësi. Deklarata e Metës u bë pikërisht për të parandaluar këtë fenomen. Ai bëri thirrje për përgjegjshmëri të re politike?,- tha Vasili.

Duke komentuar pozicionimin e LSI-së në gjithë këtë situatë, Vasili flet qartë dhe thotë se as kryetari Meta, por as forca që përfaqëson nuk është e djathtë, por përballë diktaturës zgjedhim demokracinë. Ai ndër të tjera shigjeton Ramën dhe e quan konfliktual, duke u nisur nga deklaratat që bën.

?Jemi për vazhdimin e koalicionit nëse koalicioni merr kuptim dhe kjo të lindë nga zgjedhjet e rregullta dhe të pranuara nga të gjithë, asnjë mënyrë dhe qasje tjetër nuk është legjitime dhe e besueshme, do ishte një riciklim i një krize politike që do jetë e gjatë dhe që ne e njohim. Ai u shpreh qartë që jemi të majtë por mes demokracisë dhe diktaturës ne zgjedhim demokracinë, nisur edhe nga një klimë e egër konfliktualiteti e mbajtur në mënyrë të veçantë nga mazhoranca. Është e dëmshme edhe retorika e kryeministrit që tregon një protagonizëm konfliktual të panevojshëm?,- vijoi ai.

I pyetur për deklaratat e fundit të kryeministrit, që shprehet i gatshëm për të dialoguar, Vasili është i prerë kur thotë se nuk mund të ketë zgjedhje me dhënien e zgjidhjeve të njëanshme.

?Kam parë që krahas këtyre deklaratave ka pasur edhe të tjera, pjesa tjetër e diskursit ka qenë e ngarkuar me polemikë, ai ka pasion për konfliktualitet që në një situatë të tillë nëna e gjithë të mirave është qetësia. Apeli i parë do ishte vetëpërmbajta dhe i dyti të shihet interesi madhor i vendit. Na duhet të ecim në zgjidhjen politike legjitime, me zgjidhje të njëanshme nuk mund të ketë zgjedhje?,- tha Vasili./BW