Virusi i lisë dhe virusi i lisë së majmunit, dy ortopoksviruse që kanë ngjashmëri strukturore

31 Maj 2022, 17:06, Sociale Blerta BRATI

Virusi i lisë dhe virusi i lisë së majmunit, dy ortopoksviruse

Virusi i lisë dhe virusi i lisë së majmunit janë të dy ortopoksviruse, të cilët kanë shumë ngjashmëri strukturore. Në laborator, antitrupat e prodhuar në përgjigje të vaksinës së lisë mund të njohin dhe të neutralizojnë pjesërisht disa të "lisë se majmunit".

Një studim i kryer në Zaire në mesin e viteve 1980 në një popullatë fëmijësh të prekur nga "lia e majmunit" tregoi se ata të vaksinuar kundër lisë kishin dukshëm më pak rrezik për komplikime sesa të pavaksinuarit, me simptoma më pak të theksuara.

Megjithatë, një studim i vitit 2003 në Wisconsin me njëmbëdhjetë pacientë të prekur nga "lija e majmunit" e transmetuar nga qentë zbuloi se gjashtë prej tyre "ishin vaksinuar kundër lisë kur ishin fëmijë".

Hipoteza e një rënie graduale të imunitetit të kryqëzuar kundër lisë së majmunëve te njerëzit e vaksinuar kundër lisë është gjithashtu një nga hipotezat e paraqitura për të shpjeguar shfaqjen sporadike të kësaj sëmundjeje që nga fillimi i viteve 2000.

Para vitit 1996, zinxhirët e transmetimit ishin të shkurtër dhe të rrallë, duke përfshirë sipas raportimeve deri në 3-5 persona të pavaksinuar”, përmblodhën në vitin 2020 pjesëmarrësit në një konferencë mbi këtë temë.

“Disa zinxhirë më të gjatë transmetimi u shfaqën gjatë epidemisë Katako-Kombe të viteve 1996-1997, me deri në shtatë persona të pavaksinuar të infektuar me të njëjtin rast indeks.

Nga viti 1998, numri i infeksioneve është rritur, me një rritje të moshës mesatare. Një studim i vitit 2007 tregoi antitrupa kundër ortopoksviruseve në banorë të pavaksinuar të rajonit Likouala (Republika e Kongos). Në vitet 2006-2007, në Republikën Demokratike të Kongos u raportua një rritje shumë e rëndësishme 20-fish e lisë së majmunëve. Vetëm 5 deri në 24% e popullsisë dukej se ishte vaksinuar.

Prandaj duket e vështirë të mbështetesh te vaksinimi para viteve 1980 për ta konsideruar veten të mbrojtur plotesisht kundër lisë së majmunëve.

Që atëherë është shfaqur një gjeneratë e tretë e vaksinave. Imvanex (Laboratori Nordik Bavarian) është autorizuar në Evropë që nga korriku 2013 kundër lisë tek të rriturit.

Shitet edhe në SHBA me emrin Jynneos, me autorizim për përdorim tek të rriturit në parandalimin e lisë, por edhe të lisë së majmunëve.

Sipas Qendrës Amerikane për Kontrollin e Sëmundjeve, një sërë të dhënash nga studimet klinike ose të kafshëve (për këtë vaksinë ose vaksina të tjera kandidate) vërtetojnë ekzistencën e mbrojtjes së kryqëzuar kundër "lisë së majmunëve".

Interesi i vaksinës do të ekzistonte si masë parandaluese, por edhe për të kufizuar ashpërsinë e sëmundjes pas ekspozimit ndaj virusit. Megjithatë, disa mutacione të "lisë së majmunit" mund t'i bëjnë ata më pak të ndjeshëm ndaj këtij imuniteti të kryqëzuar.

Lajmet e fundit nga