Moti bën kthesë/ Si parashikohen temperaturat për javën e ardhshme

29 Maj 2022, 15:46, Sociale CNA
Moti bën kthesë/ Si parashikohen temperaturat për javën e
Foto ilustruese

Duke lënë mënjanë ditën e sotme me reshje shiu e ulje temperaturash, për javën që presim përpara rikthehet moti i qëndrueshëm si dhe rritje temperaturash.

Në këtë mënyrë dita e nesërme (e hënë) parashikohet me kthjellime, por edhe alternime vranësirash hera-herës deri të dendura. Nga orët e mesditës deri ato të pasdites priten reshje shiu afatshkurtra në formë shtrëngatash. Në relievet malore në formë stuhish e rrebeshesh të izoluara.

Sipas Shërbimit Meteorologjik Ushtarak, për ditën e martë pritet një përmirësim i mëtejshëm. Moti parashikohet i kthjellët e me vranësira të pakta deri mesatare kalimtare. Por, në relievet malore në lindje nga orët e mesditës deri ato të pasdites reshje shiu afatshkurtra në formë rrebeshesh dhe stuhi shoqëruar me shkarkesa elektrike.

Duke filluar nga dita e mërkurë deri ditën e premte moti parashikohet i kthjellët përjashtuar vranësirat e pakta kalimtare në lindje të territorit. Gjithashtu parashikohet mot i nxehtë dhe temperatura të larta për shkak të masave ajrore jugore./ CNA.al

Moti bën kthesë/ Si parashikohen temperaturat për javën e
Temperaturat për 5 ditët e ardhshme

Lajmet e fundit nga