LEXO PA REKLAMA!

SHKARKO APP

E fundit!

x

Lia e majmunit/ Dollenberg: Ja se si personi i prekur rrezikon ta përhapë te familjarët

28 Maj 2022, 20:50, Sociale CNA
Lia e majmunit/ Dollenberg: Ja se si personi i prekur rrezikon ta
Mjekja Aurora Dollengber

Mjekja Aurora Dollengber, ka folur lidhur me virusin më të ri të përhapur në Europë siç është “Lia e majmunit”.

Në një dalje televizive, Dollenberg tha se simptomat e para të këtij virusi ishin të ngjashme me ato të një gripi të zakonshëm, ndërsa tha se qytetarët duhet të rrinin të qetë pasi “Lia e majmunit” nuk krahasohet me COVID-in.

Sa u takon rreziqeve të përhapjes ajo tha se një gjë e tillë rrezikohej nga kontakti i afërt trupor i personit të prekur me familjarët e tij pasi puçrrat e krijuara në trup përmbajnë ngarkesë të lartë virale pas shpërthimit të flluksave.

“Lia e majmunit ështën një virus i cili për fatin e mirë është i njohur. Prej viteve 1970 është identifikuar rasti i parë në Afrikë. Edhe pse ka marrë këtë emër, ai është një virus që transmetohet jo vetëm nga majmuni, por edhe nga brejtësit e tjerë.

Edhe nga termi duket si diçka shumë e çuditshme, por mund të ndihemi të qetë dhe të sigurt sepse kjo li majmuni nuk mund të krahasohet kurrsesi me COVID-1-ën.

Lia e majmunit fillon si një grip i zakonshëm me simptoma tepër të përgjithshme siç mund të jenë dhimbjet e kokës, ethet, rritja e temperaturave, dhimbje të muskujve. Kjo ndodh në ditën e parë, ndërsa në ditën e dytë fillojnë të shfaqen në lëkurë shenja të kuqe dhe më pas në ditën e tretë, këto shenja kthehen në puçrra.

Më pas, shpërthimi i tyre mund të rrezikojë që të infektohen edhe familjarët e tjerë me të cilët personi i prekur mund të ketë një kontakt të afërt trupor. Prandaj edhe OBSH-ja ka ngritur alarmin sepse për një virus të tillë, përhapja në Europë ka qenë me shifra të larta”, –u shpreh ajo.

Lajmet e fundit nga