LEXO PA REKLAMA!

SHKARKO APP

E fundit!

x

Lija e majmunëve/ Erion Dasho: Kini kujdes, situata kërkon vëmendje

28 Maj 2022, 17:58, Sociale CNA
Lija e majmunëve/ Erion Dasho: Kini kujdes, situata kërkon
Eksperti i Shëndetit Publik, Erion Dasho

Eksperti i Shëndetit Publik, Erion Dasho, ka folur për CNA.al lidhur me rrezikun e lijës së majmunëve, teksa janë konfirmuar rastet e para edhe në Greqi, shtetin fqinj me Shqipërinë.

Dasho tha se qytetarët shqiptarë duhet të kenë kujdes dhe vëmendje, pasi theksoi se diçka ka ndryshuar me strukturën e virusit, duke qenë se tani e ka infektueshmërinë më të madhe sesa vitet e kaluara.

“Nuk do të thoja që duhet të ndihemi “të rrezikuar”, por sigurisht duhet të kemi kujdes. Në rreth 40 vjet që kjo sëmundje ndiqet kanë qenë raportuar rreth 400 raste në gjithë botën, ndërkohë që gjatë shpërthimit të fundit kemi mbi 200 raste të konfirmuara ose të dyshuara në pak javë. Kjo situatë kërkon vëmendje për të kuptuar nëse ka ndryshuar diçka në strukturën e virusit që e bën atë më të përhapshëm”, u shpreh ai për CNA.al.

Gjithashtu eksperti i Shëndetit Publik tha se nuk ka një studim që mund të tregojë grupmoshat më të rrezikuara, por deklaroi se personat që kanë risk më të lartë për të zhvilluar forma më të rënda janë ata që kanë imunitet të dobësuar.

Virusi transmetohet nëpërmjet ekspozimit direkt ndaj lëngjeve biologjike të një kafshe apo personi të infektuar (përfshi edhe spërklat e pështymës) dhe depërton kryesisht nëpërmjet mukozave apo lëkurës së dëmtuar. Edhe ekspozimi dytësor ndaj veshjeve apo çarçafëve të infektuar është i njohur pasi virusi është shumë rezistent në mjedis. Nuk kam hasur në literaturë një moshë më të prekshme, por raportohen disa kategori që kanë risk më të lartë për të zhvilluar forma të rënda, p.sh., personat me imunitet të dobësuar, si ata të prekur nga HIV/AIDS apo në kemioterapi, fëmijët me moshë nën 8 vjeç, gratë shtatzana, etj.”, nënvizoi Dasho./ CNA.al

Lajmet e fundit nga