A mund të preken kafshët shtëpiake nga lia e majmunëve?/ Virologu i njohur shuan dyshimet

30 Maj 2022, 19:42, Sociale CNA
A mund të preken kafshët shtëpiake nga lia e majmunëve?/
Duart e një personi të infektuar nga lia e majmunëve

Viroologu Dr. Amr Bayoumy ka folur sot për mënyrat e transmetimit të lisë së majmunëve dhe ka shuar kuriozitetin e njerëzve nëse ky virus përhapet nga kafshët shtëpiake.

Bayoumy siguroi se lia e majmunëve nuk është një tjetër COVID. Ai qetësoi pronarët e kafshëve shtëpiake, teksa tha se nuk ka gjasa që ju mund të kaloni infeksionin e lisë së majmunit te macet dhe qentë tuaj.

“Që kur lia e majmunëve u regjistrua për herë të parë, ka pasur shpërthime periodike të sëmundjes në Afrikë dhe në SHBA në vitin 2003.

Në rastin e shpërthimit amerikan, qentë dhe ketrat e infektuar ishin shkaku i përhapjes, por ekspertët janë ende të pasigurt dhe mendojnë se ketrat ishin infektuar më herët”, u shpreh mjeku, i cili shpjegon se kafshët e zbutura kanë më pak gjasa infektimi.

“Ne kemi nevojë për më shumë monitorim, por për momentin nuk ka pasur raste të raportuara të infektimit të qenve apo maceve”, theksoi ai në një intervistë për “Mirror”.

Teksa u pyet se përse disa kafshë mund të jenë më të ndjeshme ndaj të tjerave, dr. Bayoumy tha: "Sëmundja kërkon receptorë specifikë që gjenden në organizma të caktuar të kafshëve duke i bërë ato pak a shumë të ndjeshme".

Viroologu foli më tej për metodat e përhapjes së virusit.

“Përhapja e lisë së majmunit nga individët e infektuar te një person tjetër është nëpërmjet kontaktit të zgjatur.

Kjo ndodh nëpërmjet mukozave, lezioneve, plagëve ose materialeve të caktuara si çarçafët e shtratit, peshqirët ose rrobat", u shpreh ai.

Duke diskutuar historinë e sëmundjes, dr. Bayoumy deklaroi se virusi nuk filloi të përhapet nga majmunët, por më tepër te brejtësit.

Ai shpjegoi se më vonë u quajt lia e majmunëve kur u izolua në një laborator te majmunët./ B.A. - CNA.al

Lajmet e fundit nga