Mjekësia shqiptare në zi/ Ndahet nga jeta epidemiologu i njohur

30 Maj 2022, 16:51, Sociale CNA
Mjekësia shqiptare në zi/ Ndahet nga jeta epidemiologu i njohur
Foto ilustruese - Shenja e zisë

Epidemiologu i njohur shqiptar, Ibrahim Luloçi, është ndarë sot nga jeta, duke hidhëruar të gjithë kolegët në fushën e mjekësisë.

Lajmin e ka bërë të ditur Instituti i Shëndetit Publik, i cili ka dhënë një mesazh ngushëllimi për familjarët e të afërmit.

Instituti rendit disa nga kontributet e mjekut epidemilog ndër vite në mjekësinë shqiptare.

“Instituti i Shëndetit Publik humbet një personalitet në fushën e imunizimit. Ndahet nga jeta Dr.Ibrahim Luloçi, i njohur ndryshe si Dr. Mimi. Si epidemiolog me shumë eksperiencë, ai punoi për shumë vite pranë repartit të mikrobeve aerogene duke drejtuar disa fushata vaksinimi që nga Variola në vitin 1972 deri tek poliomieliti, fushatat masive të Fruthit dhe Rubeolës në vitet 2000 -2001.

Dr. Luloçi ishte themeluesi i programit te zgjeruar të vaksinimit dhe së bashku me kolegët e tjerë krijuan depon e parë moderne frigoriferike në vend për ruajtjen e vaksinave.

U prehsh në paqe Dr. Mimi! Respekt dhe mirënjohje nga i gjithë stafi i ISHP-së”, thuhet në deklaratën e ISHP-së./ CNA.al

Mjekësia shqiptare në zi/ Ndahet nga jeta epidemiologu i njohur
Epidemiologu Ibrahim Luloçi

Lajmet e fundit nga