web counter
LEXO PA REKLAMA!

SHKARKO APP

App Store
Google Play

Nuk mbarojnë ditët me diell/ Parashikimi i motit për sot dhe nesër

10 Nëntor 2022, 08:06, Sociale CNA

Nuk mbarojnë ditët me diell/ Parashikimi i motit për sot dhe

Prej disa ditësh Shqipëria ndodhet nën ndikimin e masave ajrore të qëndrueshme, ku edhe të enjten do të diktojnë kushtet e motit në vendin tonë duke sjellë mbizotërim të kthjellimeve gjatë paradites në një pjesë të mirë të territorit.

Por parashikohet që orët e mesditës dhe pasdites kryesisht, do të sjellin kalime vranësirash nëpër të gjithë territorin.

Temperaturat e ajrit do të ulen në mëngjes, por do të mbeten të pandryshuara në mesditë duke luhatur vlerat ditore nga 4°C deri në 22°C.

Era do të fryjë e lehtë dhe mesatare në det me shpejtësi 30 km/h nga drejtimi verilindor duke krijuar në brigjet detare dallgëzim 1 - 2 ballë.

Ndërsa nesër me 11 nëntor 2022, sipas MeteoAlb, territori shqiptar, gjatë paradites do të vijojë nën dominimin e motit të kthjellët dhe vranësirave të lehta në bregdet dhe zonat e ulëta, por me alternime kthjellimesh dhe vranësirash të shpeshta paraqiten zonat malore.

Parashikohet që orët e pasdites të sjellin vranësira më të dendura ku më të theksuara vranësirat do të jenë në verilindje dhe juglindje të territorit.

Temperaturat e ajrit do të pësojnë rritje të lehtë në mëngjes por mesdita sjell rënie të lehtë të tyre duke luhatur vlerat ditore nga 5°C deri në 21°C.

Era do të fryjë mesatarisht me shpejtësi 45 km/h nga drejtimi kryesisht jugor duke krijuar në brigjet detare dallgëzim mbi 3 ballë./CNA.al





Lajmet e fundit nga