LEXO PA REKLAMA!

SHKARKO APP

E fundit!

x

Rikthehen reshjet/ Fundjava nis me shi dhe temperatura të ulëta

5 Nëntor 2022, 08:08, Sociale CNA

Rikthehen reshjet/ Fundjava nis me shi dhe temperatura të ulëta

Territori shqiptar përgjatë gjithë ditës do të jetë nën dominimin e vranësirave të shumta.

Parashikohet që vranësirat të zhvillohen duke sjellë shira intensivë në të gjithë vendin, ku më të fokusuara do të jenë në zonat veriore dhe jugore. Ndërsa zonat lindore do të kenë më pak reshje.

Temperaturat e ajrit do të ulen ndjeshëm në mëngjes dhe në mesditë duke luhatur vlerat ditore nga 4°C deri në 22°C.

Era do të fryjë mesatare dhe e fortë me shpejtësi 65 km/h nga drejtimi jugor duke krijuar në brigjet detare dallgëzim mbi 5 ballë.

Ndërsa nesër, me 6 nëntor 2022, sipas MeteoAlb, vendi ynë do të mbetet në mbizotërimin e vranësirave të shpeshta përgjatë gjithë 24-orëshit, ku më të dukshme vranësirat do të jenë në zonat lindore.

Parashikohet që vranësirat të pësojnë zhvillime herë pas here duke sjellë reshje të pakta shiu në ultësirën perëndimore, ndërsa në zonat malore reshjet do të jenë më të shumta.

Temperaturat e ajrit do të vijojnë të ulen në mëngjes dhe në mesditë duke luhatur vlerat ditore nga 3°C deri në 21°C.

Era do të fryjë mesatarisht me shpejtësi 45 km/h nga drejtimi veriperëndimor duke krijuar në brigjet detare dallgëzim 3 ballë./CNA.al

Lajmet e fundit nga