LEXO PA REKLAMA!

SHKARKO APP

App Store
Google Play

Mes lotëve, Dhurata bën rrëfimin drithërues/ “Prindërit më lanë jetimore, flija në tualet”

30 Tetor 2022, 18:27, Sociale CNA
Mes lotëve, Dhurata bën rrëfimin drithërues/
Dhurata, "Ka një mesazh për ty"

Sot në rubrikën "Ka një mesazh për ty", është bërë pjesë Dhurata, e cila ka rrëfyer historinë e trishtë të jetës së saj.

Babai i saj, një ish i burgosur për 30 vite për një vrasje, u dashurua me nënën e vajzës, e cila asokohe ishte 24 vjeç dhe vuante nga depresioni.

Prindërit nuk patën mundësinë ta rrisnin dhe e lanë atë në maternitet dhe më pas ajo përfundoi në jetimore. Të njëjtin fat pati dhë vëllai i saj.

Ajo ka rrëfyer të gjitha vuajtje që ka përjetuar në jetimore ku thekson se kishte raste që dhunohej dhe flinte në tualet.

Pjesë nga biseda

Ardit Gjebrea: Si ishte jeta jote aty, ma trego pak?

Dhurata: Me kujdestaren e parë që kam pasur, nuk ka qenë e mirë.

Ardit Gjebrea: Pse?

Dhurata: Kam pasur dhunë. Kam fjetur në tualet.

Ardit Gjebrea: Po pse nuk tregoje?

Dhurata: Po se na rrihte. Edhe kur kam lajmëruar drejtorin nja dy herë, kisha frikë t’i tregoja sepse kur ikte drejtori, vazhdonte avazin.

Ardit Gjebrea: Po mami me babin vinin të të shikonin ndonjëherë?

Dhurata: Vinin më shikonin, por ka pasur raste që nuk i dilja.

Ardit Gjebrea: Pse?

Dhurata: Po se s’i doja.

Dhuna nga kujdestarja vazhdoi nga klasa e parë deri në të katërtën për Dhuratën, por gjithçka ndryshoi gjatë pushimeve verore dhe për të ishte dita më e lumtur.

Dhurata: Ishim në shkollën e Marinës, bënim plazh dhe u ankuam te dy drejtorët e institucionit dhe ishte moment më i bukur i jetës time kur e larguan. Në atë moment ka qenë edhe një kujdestare që erdhi pasi u largua kujdestarja e parë, që e kam ftuar sot.

Ardit Gjebrea: Kë ke ftuar, të parën apo të dytën?

Dhurata: Të dytën.

Ardit Gjebrea: Pse nuk ftove të parën?

Dhurata: Se s’dua ta shoh me sy./ CNA.al

Lajmet e fundit nga