LEXO PA REKLAMA!

SHKARKO APP

Sociologu: 70 për qind e njerëzve stresohen në vendin e punës

26 Tetor 2022, 22:26, Sociale CNA
Sociologu: 70 për qind e njerëzve stresohen në vendin e
Sociologu Gëzim Tushe

Sociologu Gëzim Tushe thotë se shqiptarët vuajnë ende mentalitetin e trashëguar nga sistemi totalitar se përgjegjësia për individin nga lindja në vdekje është e shtetit.

Në një intervistë për Euronews Albania, Tushe u shpreh se stresi tek shoqëria nuk lidhet vetëm me faktorë socialë por edhe individualë.

Ai theksoi se sipas një sondazhi, 70 për qind e njerëzve stresohen në vendin e punës.

“Jetuam 50 vjet në një shtet që na mësoi keq, sipas të cilët përgjegjësia për njeriun deri në vdekje është e shtetit. Ky mentalitet ndihet akoma. Secili duhet të kuptojë përgjegjësitë që ka për të përballuar gjërat mbi trupin e vet. Ka një mentalitet sipas të cilit shohim faktorët socialë si faktorë të stresit. Por ka shumë faktorë të tjerë. Një sondazh i fundit tregon se 70 për qind e njerëzve stresohen në vendin e punës. Ne s’i kushtojmë shumë rëndësi kësaj. Në postin e punës ka bullizëm, ngacmim seksual, presione, autoritarizëm, sidomos në administratën publike që i bën njerëzit të shpërqendruar duke mos pasur rezultatin e duhur. Janë disa faktorë individualë dhe socialë që na kanë renditur si gjithmonë të parët në Ballkan për keq”, tha sociologu.

Lajmet e fundit nga