web counter
LEXO PA REKLAMA!

SHKARKO APP

App Store
Google Play

E fundit!

x

Rriten sërish temperaturat/ Ditët e vjeshtës me freskun e pranverës

23 Tetor 2022, 08:08, Sociale CNA

Rriten sërish temperaturat/ Ditët e vjeshtës me freskun e

Vendi ynë në pjesën e parë të ditës parashikohet të jetë në dominimin e kthjellimeve në ultësirën perëndimore dhe me kalime të pakta vranësirash në zonat malore.

Ndërsa në pjesën e dytë të ditës vranësirat do të shtohen duke u shfaqur dhe në një pjesë të mirë të ultësirës perëndimore, por nuk do të mund të sjellin reshje në territor. 

Temperaturat e ajrit do të rriten në mëngjes, por do të ulen lehtë në mesditë duke luhatur vlerat ditore nga 8°C deri në 26°C.

Era do të fryjë mesatarisht me shpejtësi 30 km/h nga drejtimi veriperëndimor duke krijuar në det dallgëzim 2 ballë.

Ndërsa nesër me 24 tetor 2022, sipas MeteoAlb, deri në orët e mesditës territori shqiptar do të jetë nën mbizotërimin e kthjellimeve në ultësirën perëndimore, ndërsa kalime të pakta vranësirash do të ketë në zonat e thella malore.

Por në orët vijuese pritet që vranësirat herë pas here të shfaqen në zonat malore dhe pjesërisht në qytetet e zonës së ulët. Parashikohet që më të theksuara vranësirat të jenë në zonat verilindore.

Temperaturat e ajrit do të vijojnë të rriten në mëngjes dhe në mesditë duke luhatur vlerat ditore nga 9°C deri në 27°C.

Era do të fryjë e lehtë dhe mesatare me shpejtësi 30 km/h nga drejtimi verior duke krijuar në brigjet detare dallgëzim 1 – 2 ballë./CNA.al





Lajmet e fundit nga