web counter
LEXO PA REKLAMA!

SHKARKO APP

App Store
Google Play

Tetori me temperatura deri në 27 gradë/ Rikthehet pranvera në vjeshtë

18 Tetor 2022, 08:07, Sociale CNA

Tetori me temperatura deri në 27 gradë/ Rikthehet pranvera në

Vendi ynë do të jetë në dominimin e masave ajrore të qëndrueshme përgjatë gjithë 24-orëshit, ku në orët e para të mëngjesit dhe deri në mesditë do të ketë mbizotërim të motit të kthjellët dhe kalimeve të pakta të vranësirave, të cilat më të fokusuara do të jenë në zonat malore.

Ndërsa në orët vijuese pritet që vranësirat të shtohen përkohësisht edhe pjesërisht në ultësirën perëndimore.

Temperaturat e ajrit do të mbeten kostante në mëngjes, por do të rriten lehtë në mesditë duke luhatur vlerat ditore nga 7°C deri në 27°C.

Era do të fryjë e lehtë dhe mesatare me shpejtësi 40 km/h nga drejtimi veriperëndimor duke krijuar në brigjet detare dallgëzim 2 - 3 ballë.

Ndërsa nesër me 19 tetor 2022, sipas MeteoAlb, do të vijojnë kushtet e qëndrueshme të jenë mbizotëruese në vendin tonë, ku në ultësirën perëndimore orët me diell do të jenë të shumta, ndërsa në zonat malore do të ketë kalime të pakta vranësirash.

Parashikohet që vranësirat të theksohen në zonat malore gjatë orëve të mesditës dhe kryesisht pasdites, por nuk do të mund të gjenerojnë reshje.

Temperaturat e ajrit do të ulen në mëngjes, por mbeten kostante në mesditë duke luhatur vlerat ditore nga 6°C deri në 27°C.

Era do të fryjë e lehtë dhe mesatare me shpejtësi 30 km/h nga drejtimi veriperëndimor duke krijuar në det dallgëzim 2 ballë./CNA.al





Lajmet e fundit nga