LEXO PA REKLAMA!

SHKARKO APP

Bien temperaturat, rikthehen vranësirat/ Parashikimi i motit për sot dhe nesër

20 Tetor 2022, 08:05, Sociale CNA

Bien temperaturat, rikthehen vranësirat/ Parashikimi i motit për sot

Pjesa e parë e ditës do të jetë në dominimin e kthjellimeve dhe kalimeve të pakta të vranësirave, të cilat më të theksuara do të jenë në zonat e thella malore.

Ndërsa parashikohet që në pjesën e dytë të ditës në territor të ketë shfaqje të vranësirave të lehta në pothuajse të gjithë zonën e ulët, por në shtrirjen Lindore do të jenë më të dukshme vranësirat.

Temperaturat e ajrit do të ulen në mëngjes dhe në mesditë duke luhatur vlerat ditore nga 5°C deri në 26°C.

Era do të fryjë mesatarisht me shpejtësi 35 km/h kryesisht nga drejtimi verilindor duke krijuar në brigjet detare dallgëzim 2 ballë.

Ndërsa nesër me 21 tetor 2022, sipas MeteoAlb, orët e para të ditës do të jenë në dominimin e kthjellimeve përgjatë gjithë territorit. Por pritet që gjatë mesditës dhe pasdites kryesisht të ketë shfaqje të vranësirave në zonat malore dhe pjesërisht zonën e ulët.

Vranësirat nuk do të mund të sjellin reshje shiu në këto zona.

Temperaturat e ajrit do të rriten lehtë në mëngjes, por do të mbeten konstante në mesditë duke luhatur vlerat ditore nga 6°C deri në 26°C.

Era do të fryjë e lehtë dhe mesatare me shpejtësi 25 km/h nga drejtimi lindor-juglindor duke krijuar në brigjet detare dallgëzim të ulët./CNA.al

Lajmet e fundit nga