LEXO PA REKLAMA!

SHKARKO APP

E fundit!

x

Mëngjese të ftohta dhe mesditë me diell/ Mesjava rikthen vranësirat

19 Tetor 2022, 08:06, Sociale CNA

Mëngjese të ftohta dhe mesditë me diell/ Mesjava rikthen

Vijojnë kushtet e qëndrueshme të jenë mbizotëruese në vendin tonë, ku në ultësirën perëndimore orët me diell do të jenë të shumta ndërsa në zonat malore do të ketë kalime të pakta vranësirash.

Parashikohet që vranësirat të theksohen në zonat malore gjatë orëve të mesditës dhe kryesisht pasdites, por nuk do të mund të gjenerojnë reshje.

Temperaturat e ajrit do të ulen në mëngjes, por mbeten kostante në mesditë duke luhatur vlerat ditore nga 6°C deri në 27°C.

Era do të fryjë e lehtë dhe mesatare me shpejtësi 30 km/h nga drejtimi veriperëndimor duke krijuar në det dallgëzim 2 ballë.

Ndërsa nesër, me 20 tetor 2022, sipas MeteoAlb, pjesa e parë e ditës do të jetë në dominimin e kthjellimeve dhe kalimeve të pakta të vranësirave, të cilat më të theksuara do të jenë në zonat e thella malore.

Por parashikohet që në pjesën e dytë të ditës në territor të ketë shfaqje të vranësirave të lehta në të gjithë vendin tonë, ku në shtrirjen Lindore do të jenë më të dukshme vranësirat.

Temperaturat e ajrit do të ulen në mëngjes dhe në mesditë duke luhatur vlerat ditore nga 5°C deri në 26°C.

Era do të fryjë mesatarisht me shpejtësi 35 km/h kryesisht nga drejtimi verilindor duke krijuar në brigjet detare dallgëzim 2 ballë./CNA.al

Lajmet e fundit nga