LEXO PA REKLAMA!

SHKARKO APP

Ditët me diell nuk kanë mbaruar ende/ Mesjava e ngrohtë si në stinën e verës

26 Tetor 2022, 08:03, Sociale CNA

Ditët me diell nuk kanë mbaruar ende/ Mesjava e ngrohtë si

Orët e paradites, do të jetë nën dominimin e kthjellimeve në të gjithë territorin shqiptar. Ndërsa në pjesën e dytë të ditës do të ketë kalime të pakta vranësirash në zonat verilindore dhe në zonat juglindore.

Por zonat bregdetare dhe të ulëta do të mbeten në mbizotërimin e motit të kthjellët dhe temperaturave relativisht të larta. 

Temperaturat e ajrit do të mbeten kostante në mëngjes, por do të ulen lehtë në mesditë duke luhatur vlerat ditore nga 9°C deri në 28°C.

Era do të fryjë e lehtë dhe mesatare me shpejtësi 40 km/h nga drejtimi veriperëndimor duke krijuar në det dallgëzim 3 ballë.

Ndërsa nesër më 27 tetor 2022, sipas MeteoAlb, territori shqiptar do të mbetet në ndikimin e presionit të lartë amtosferik duke bërë që moti i kthjellët të jetë dominant në pjesën më të madhe të vendit, përjashtuar zonat malore të cilat do të kenë kalime vranësirash të lehta.

Parashikohet që orët e pasdites të shtojnë vranësirat në zonat malore përgjatë kufirit lindor duke lënë në ndikimin e motit të kthjellët ultësirën perëndimore. Ky stabilitet i atmosferës do të na shoqërojë edhe gjatë natës.

Temperaturat e ajrit do të bien me 2 gradë në orët e para të mëngjesit, por mesdita nuk sjell ndryshim të tyre duke luhatur vlerat ditore nga 7°C deri në 28°C.

Era do të fryjë mesatarisht me shpejtësi mbi 40 km/h nga drejtimi verior-veriperëndimor duke krijuar në brigjet detare dallgëzim deri në 3 ballë./CNA.al

Lajmet e fundit nga