LEXO PA REKLAMA!

SHKARKO APP

Diell dhe temperatura deri në 28 gradë/ Parashikimi i motit për sot dhe nesër

25 Tetor 2022, 08:04, Sociale CNA

Diell dhe temperatura deri në 28 gradë/ Parashikimi i motit për

Kushtet e qëndrueshme atmosferike që kanë përfshirë vendin tonë do të vijojnë të diktojnë motin në Shqipëri, duke sjellë orë të shumta me diell gjatë paradites në të gjithë territorin. Ndërsa pas mesdite parashikohet që zonat malore të kenë kalime të pakta të vranësirave, të cilat nuk do të mund të sjellin reshje.

Temperaturat e ajrit do të rriten në mëngjes, por do të mbeten konstante në mesditë duke luhatur vlerat ditore nga 9°C deri në 29°C.

Pra era do të fryjë mesatarisht në det me shpejtësi 25 km/h nga drejtimi veriperëndimor duke krijuar në brigjet detare dallgëzim të ulët.

Ndërsa nesër me 26 tetor 2022, sipas MeteoAlb, pjesa e parë e ditës do të jetë nën dominimin e kthjellimeve në të gjithë territorin shqiptar.

Ndërsa në pjesën e dytë të ditës do të ketë kalime të pakta vranësirash në zonat verilindore dhe në zonat juglindore. Por zonat bregdetare dhe të ulëta do të mbeten në mbizotërimin e motit të kthjellët edhe gjatë orëve të pasdites dhe mbrëmjes. 

Temperaturat e ajrit do të mbeten kostante në mëngjes, por do të ulen lehtë në mesditë duke luhatur vlerat ditore nga 9°C deri në 28°C.

Era do të fryjë e lehtë dhe mesatare me shpejtësi 40 km/h nga drejtimi veriperëndimor duke krijuar në det dallgëzim 3 ballë./CNA.al

Lajmet e fundit nga