web counter
LEXO PA REKLAMA!

SHKARKO APP

App Store
Google Play

Java mbaron dhe nis me diell/ Temperaturat do të bien lehtë, duke paralajmëruar rikthimin e vranësirave

30 Tetor 2022, 08:11, Sociale CNA

Java mbaron dhe nis me diell/ Temperaturat do të bien lehtë, duke

Pjesa e parë e ditës do të sjellë në Shqipëri në ultësirën perëndimore dominim të motit të kthjellët, ndërsa në zonat malore do të ketë kalime të lehta të vranësirave.

Por pritet që në pjesën e dytë të ditës vranësirat e lehta dhe kalimtare të shfaqen në të gjithë territorin, ku më të fokusuara do të jenë në zonat verilindore dhe juglindore.

Temperaturat e ajrit do të mbeten kostante në mëngjes, por do të ulen lehtë në mesditë, duke luhatur vlerat ditore nga 5°C deri në 25°C.

Era do të fryjë e lehtë dhe mesatare në det me shpejtësi 35 km/h nga drejtimi veriperëndimor duke krijuar në brigjet detare dallgëzim 2 ballë.

Ndërsa nesër me 31 tetor 2022, sipas MeteoAlb, kushtet e qëndrueshme atmosferike do të vijojnë të dominojnë të gjithë territorin shqiptar, ku në orët e para të ditës kthjellimet do të jenë mbizotëruese në pothuajse gjithë vendin tonë.

Ndërsa në orët e pasdites dhe në vijim pritet të ketë kalime të pakta të vranësirave, të cilat më të theksuara do të jenë në zonat malore.

Temperaturat e ajrit do të rriten lehtë në mëngjes, por do të vijojnë të ulen në mesditë duke luhatur vlerat ditore nga 6°C deri në 24°C.

Era do të fryjë mesatarisht me shpejtësi 38 km/h nga drejtimi verior duke krijuar në brigjet detare dallgëzim mbi 2 ballë./CNA.al





Lajmet e fundit nga