web counter
LEXO PA REKLAMA!

SHKARKO APP

App Store
Google Play

E fundit!

x

Ditë pranvere në nëntor/ Sot dhe nesër gëzojuni rrezeve të diellit

3 Nëntor 2022, 08:06, Sociale CNA

Ditë pranvere në nëntor/ Sot dhe nesër gëzojuni rrezeve

Pjesa e parë e ditës do të dominohet nga kthjellime në pothuajse gjithë vendin tonë.

Ndërsa në pjesën e dytë të ditës pritet që vranësirat e pakta të jenë prezente në të gjithë territorin, ku më të theksuara vranësirat do të jenë në zonat malore, por nuk do të krijojnë mundësi për reshje.

Temperaturat e ajrit do të ulen në mëngjes dhe në mesditë duke luhatur vlerat ditore nga 7°C deri në 26°C.

Era do të fryjë mesatarisht me shpejtësi 30 km/h nga drejtimi perëndimor – veriperëndimor duke krijuar në brigjet detare dallgëzim 1 - 2 ballë.

Ndërsa nesër, me 4 nëntor 2022, sipas MeteoAlb, vendi ynë gjatë paradites do të jetë me kthjellime dhe kalime  të pakta të vranësirash, të cilat më të dukshme do të jenë në zonat veriore.

Por pas mesdite vranësirat do të theksohen gradualisht, ku pasditja do të sjellë dhe reshjet e para në zonat veriore. Mbrëmja dhe nata do të gjenerojnë reshje shiu në një pjesë të mirë të territorit.

Temperaturat e ajrit do të vijojnë të ulen në mëngjes dhe në mesditë duke luhatur vlerat ditore nga 6°C deri në 24°C.

Era do të fryjë e mesatare dhe e fortë në det me shpejtësi 60 km/h nga drejtimi jugor duke krijuar në brigjet detare dallgëzim mbi 5 ballë./CNA.al

 





Lajmet e fundit nga