web counter
LEXO PA REKLAMA!

SHKARKO APP

App Store
Google Play

E fundit!

x

Nëntori me shi pranvere/ Parashikimi i motit për sot dhe nesër

15 Nëntor 2022, 08:02, Sociale CNA

Nëntori me shi pranvere/ Parashikimi i motit për sot dhe nesër

Pjesa e parë e ditës do të jetë në mbizotërimin e kthjellimeve dhe kalimeve të pakta të vranësirave, të cilat më të dukshme do të jenë në zonat malore.

Ndërsa pjesa e dytë e ditës pritet që vranësirat të shtohen në një pjesë të mirë të Shqipërisë.

Pritet që në zonat Jugore dhe Qendrore vranësirat të pësojnë zhvillime të përkohshme duke krijuar mundësi për shira të paktë.

Temperaturat e ajrit do të ulen në mëngjes dhe në mesditë duke luhatur vlerat ditore nga 4°C deri në 18°C.

Era do të fryjë mesatarisht me shpejtësi 28 km/h nga drejtimi Veriperëndimor duke krijuar në brigjet detare dallgëzim 1 - 2 ballë.

Ndërsa nesër me 16 nëntor 2022, sipas MeteoAlb, vendi ynë parashikohet që të dominohet nga moti i qëndrueshëm gjatë paradites duke sjellë, kthjellime dhe kalime vranësirash në pothuasje gjithë territorin.

Ndërsa orët vijuese gradualisht do të shtojnë vranësirat në të gjithë vendin, ku pasditja dhe mbrëmja do të sjellin reshje shiu në zonat veriperëndimore të Shqipërisë.

Temperaturat e ajrit do të vijojnë të ulen në mëngjes, por do të mbeten konstante në mesditë duke luhatur vlerat ditore nga 3°C deri në 18°C.

Era do të fryjë e lehtë dhe mesatare me shpejtësi 40 km/h kryesisht nga drejtimi jugor duke krijuar në brigjet detare dallgëzim 3 ballë./CNA.al





Lajmet e fundit nga