web counter
LEXO PA REKLAMA!

SHKARKO APP

App Store
Google Play

Bllokohen 21 mijë vezë dhe produkte sallamerie në 13 subjekte/ AKU, “aksion” në Vlorë

12 Nëntor 2022, 11:26, Sociale CNA

Bllokohen 21 mijë vezë dhe produkte sallamerie në 13 subjekte/

Mbi 21 mijë kokrra vezë dhe produkte sallamarie të pasigurta për konsum janë bllokuar gjatë kontrolleve të Autoritetit Kombëtar të Ushqimit (AKU), në 13 subjekte në Vlorë.

Subjektet, për të cilat AKU vendosi masa administrative, ushtronin aktivitetin e tregtimit të produkteve të mishit, mishit të pulës dhe të vezëve, në magazina frigoriferike, në supermarkete dhe fastfood-e.

“Në Qarkun e Vlorës, trupa inspektuese e Autoritetit Kombëtar të Ushqimit, ka vijuar me kontrollet dhe monitorimet në subjekte që ushtrojnë aktivitetin e tregtimit të produkteve të mishit, mishit të pulës dhe të vezëve, në magazina frigoriferike, në supermarkete dhe fastfood-e.

Gjatë ushtrimit të kontrolleve janë konstatuar tregtim i ushqimit të pasigurt, në mungesë gjurmueshmërie, etiketimi, kundëretiketë në gjuhën shqipe dhe vezë të vendosura në kuti pa vulë dhe logon përkatëse.

Për shkeljet e konstatuara, trupa inspektuese e AKU-së vendosi masa administrative me gjobë në vlerën 6'150'000 lekë, si dhe u krye bllokimi i sasisë prej 21'840 kokrra vezë dhe produkte sallamarie të pasigurta për konsum.

Autoriteti Kombëtar i Ushqimit është i pranishëm në terren në të gjithë vendin, për garantimin e ushqimit të sigurt për konsumatorin”, njofton AKU./CNA.al





Lajmet e fundit nga