LEXO PA REKLAMA!

SHKARKO APP

Fundjava nis ftohtë dhe me vranësira/ Priten reshje shiu

12 Nëntor 2022, 08:08, Sociale CNA

Fundjava nis ftohtë dhe me vranësira/ Priten reshje shiu

Vendi ynë do të përfshihet gjatë të shtunës nga vranësirat e shpeshta, të cilat herë pas here do të pësojnë zhvillime dhe do të gjenerojnë reshje shiu.

Parashikohet që më të dukshme reshjet të jenë në zonat malore,ku pritet të jenë me intensitet dhe mesatar.

Ndërsa ultësira perëndimore do ti ketë në sasira shumë më të pakta reshje.

Temperaturat e ajrit do të ulen ndjeshëm në mëngjes dhe në mesditë duke luhatur vlerat ditore nga 3°C deri në 18°C.

Era do të fryjë mesatare dhe e fortë në det me shpejtësi 50 km/h nga drejtimi Lindor - Verilindor duke krijuar në brigjet detare dallgëzim 3 - 4 ballë.

Ndërsa nesër me 13 Nëntor 2022, sipas MeteoAlb, Shqipëria do të jetë me alternime kthjellimesh dhe vranësirash përgjatë gjithë ditës.

Pritet që ultësira perëndimore të jetë kryesisht me kthjellime gjatë paradites, por  do të ketë dhe intervale me vranësira të cilat më të dukshme do të jenë pas mesdite.

Ndërsa në zonat malore vranësirat do të jenë më të fokusuara, ku edhe do të pësojnë zhvillime të përkohëshme duke sjellë shira të izoluar në Veri dhe në skajin Juglindor të vendit tonë.

Temperaturat e ajrit do të mbeten kostante në mëngjes, POR do të rriten lehtë në mesditë duke luhatur vlerat ditore nga 3°C deri në 19°C.

Era do të fryjë mesatarisht me shpejtësi 55 km/h nga drejtimi Jugor duke krijuar në brigjet detare dallgëzim mbi 4 ballë./CNA.al

Lajmet e fundit nga