web counter
LEXO PA REKLAMA!

SHKARKO APP

App Store
Google Play

E fundit!

x

Çezmat e lëna në harresë/ Turizmi korçar meriton një tjetër atraksion

18 Nëntor 2023, 14:57, Sociale CNA
Çezmat e lëna në harresë/ Turizmi korçar meriton
Çezmat e Korçës
 

Teksa prezantuam këtë mini-reportash, i cili pasqyroi velerat historike dhe kulturore që përmbajnë çezmat e Korçës, do të ndalemi tek ana tjetër e medaljes.

Çezmat e Korçës nuk janë funksionale. Ato të cilat dikur furnizonin qytetarët me ujë, sot janë të dëmtuara dhe jashtë funksionit.

Bashkia, e cila ka punuar për ta kthyer Korçën dhe rrethinat e saj në destinacionin më të preferuar të vizitorëve, kryesisht gjatë stinës së dimrit, nuk ka bërë ende asgje me çezmat karakteristike të qytetit.

Ky ishte shqetësimi që ngriti edhe historiani. Duke qenë se kushtet krahasuar me kohën, kur këto çezma shërbenin, janë përimrësuar ndjeshëm, vendosja në funksion e tyre nuk është një mision i pamundur.

Tashmë rrjeti i furnizimit me ujë është i rregulluar dhe për të rikthyer çezmat, do të mjaftonte vetëm dëshira dhe angazhimi i autoriteteve lokale. Lënia e tyre në harresë dëmtojnë edhe imazhin e qytetit, tashmë të transformuar dhe shumë të frekuentuar.

Nëse çezmat do të rregulloheshin, do të përbënin një atraksion më shumë në qytetin juglindor. Turistët që do të vizitonin Korçën, padiskutim që në axhendën e tyre, do të kishin ndalesën te çezmat, që janë pasqyrë e historisë dhe kulturës së qytetit.

Kjo do të ishte një plus në listën e akstiviteteve që vizitorët do të bënin në Korçë, e cila vitet e fundit, së bashku me zonat rreth saj, ka thithur në vit afro 1 milionë vizitorë.

Ndaj, duket se është momenti, që bashkia të reagojë dhe të rikthejë në funksion çezmat, duke i shërbyer kështu imazhit të këtij qyteti të veçantë. /CNA

 

 





Lajmet e fundit nga